Քաղաքակրթական ներուժը կեցության բարձրագույն արժեք է:

Ռեժիսորին հեռացրել են գավառից, իսկ նա հիմա աշխատում է մայրաքաղաքում

10.18.2016


Ռուսաստանի Կրասնոյարսկ քաղաքի օպերայի և բալետի թատրոնից առանց բացատրության հեռացրել են գլխավոր ռեժիսորին՝ Նադեժդա Ստոլբովային: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Ինքը՝ նախկին գլխավոր ռեժիսորը և իր գործընկերները ենթադրում են, որ թատրոնի ղեկավարության անբարյացկամության պատճառը հանդիսացել է գլխավոր ռեժիսորի կողմից «Տրավիատա» օպերայի նոր բեմադրության ձևավորումը, որն իրենից ներկայացրել է խարխլված և աղբակույտերում թաղված մի առանձնատուն:

Ներկայացման այդպիսի հակաէսթետիկական ձևավորման մեջ թատրոնի տնօրինությունը նկատել է թափանցիկ ակնարկ իրենց մշակութային հաստատությունում տիրող անմխիթար և հակասանիտարական վիճակի մասին և դրանից հետո հրաժարվել է Ստոլբովայի հետ վերականգնել տարին մեկ անգամ թարմացվող աշխատանքային պայմանագիրը:

Սակայն, պարզվում է, որ աշխատանքից այսպես կամայական ազատված ռեժիսորը կարողացել է արվեստագետի իր կոչումը և ստեղծագործողի վարկանիշը բարձր պահող շատ յուրահատուկ քայլ կատարել: Նա Կրասնոյարսկից տեղափոխվել է Մոսկվա և հիմա մայրաքաղաքային առաջատար «Նովայա օպերա» («Նոր օպերա») թատրոնում սկսել է աշխատել մի նոր բեմադրության վրա:
    Դիտվել է 906 անգամ