Քաղաքակրթական ներուժը կեցության բարձրագույն արժեք է:

Շատ դրական ներգործություն ունեցող իրավիճակ «Կալիգուլա» ներկայացման մեջ

12.20.2016


Մոսկվայի Նահանգային թատրոնում դեկտեմբերի 23-ին և 24-ին կներկայացվի անսովոր պլաստիկական «Կալիգուլա» բեմադրությունը, որտեղ դրամատիկական դերասանների և Ռուսաստանի Մեծ էատրոնի բալետի պարուհիների հետ միասին հանդես կգան թույլ լսողություն ունեցող արտիստներ: Այդ մասին տեղեկացնում է «taglur.am»-ը՝ հղում անելով «РИА новости»-ին:

Ներկայացման հիմքում ընկած է Ալբեր Քամյուի նույնանուն պիեսը, ինչպես նաև փատմական նյութեր և մի շարք այլ հեղինակների ստեղծագործությունների սյուժեներ:

Հայտնի արտիստ Սերգեյ Բեզռուկովի ղեկավարությամբ գործող Մոսկվայի Նահանգային թատրոնում այս բեմադրությունն իրականացնում է ռեժիսոր-խորեոգրաֆ Սերգեյ Զեմլյանսկին:

Նա իր բեմադրությունները պատրաստում է «wordless» ոճով, որտեղ գեղարվեստական կերպարը ստեղծվում է մարմնի պլաստիկայի օգնությամբ, երաժշտական վառ շեշտադրումներով և, անշուշտ, պարային էլեմենտներով: Ահա թե ինչու ռեժիսորը իր ներկայացման մեջ մասնակցելու է հրավիրել Մեծ թատրոնի պրիմա-պարուհի Մարիա Ալեքսանդրովային և պարուհի Մարիա Բոգդանովիչին:

«Դրամատիկական թատրոնում խաղալը նոր և կարևոր փորձ է մասնագիտության համար: Մասնագիտությունը մեկն է, սակայն ընթացքները տարբեր: Բալետում մենք ունենք մաքուր տարածություն, իսկ դրամայում մենք սովորում ենք հարմարվել դեկորացիաներին: Բեմական տարածությանը տիրապետելը դա նույնպես մասնագիտության սահմանների ընդարձակում է»,-ասե է Մարիա Ալեքսանդրովան:

Ինչ վերաբեվում է սահմանափակ հնարավորություններով արտիստներին, ապա պարուհին դա համարում է շատ դրական ներգործություն ունեցող իրավիճակ:

«Մենք սովորում ենք լսել և հասկանալ միմյանց և ընդարձակում ենք մեր ըմբռնումների սահմանները: Կարծում եմ դա շատ կարևոր է մեր ոչ այնքան պարզ աշխարհում, մեր ոչ պարզ ժամանակներում»,- ավելացրել է Ալեքսանդրովան:
    Դիտվել է 814 անգամ