Քաղաքակրթական ներուժը կեցության բարձրագույն արժեք է:

«Ապուշը» առաջին անգամ երգել է Մեծ թատրոնում

02.13.2017


Ինչպես կինոնկարում, միաժամանակ մի քանի տեղերում զարգացող գործողություններով է ծավալվում Ռուսաստանի Մեծ թատրոնում առաջին անգամ բեմադրված «Ապուշը» օպերան՝ ըստ դասական գրող Ֆեոդոր Դոստոևսկու նույնանուն վեպի: Այդ մասին հաղորդում է «taglur.am»-ը՝ հղում անելով «tvkultura.ru»-ին:

Սա կոմպոզիտոր Մեչիսլավ Վայնբերգի 7 օպերաներից վերջինն է: Մուլտֆիլմերի ու դասական օրինակների վերածված ֆիլմերի համար երաժշտության հեղինակ Վայնբերգը Դոստոևսկու էլի մի շարք ստեղծագործություններ է դրամատիկական բեմից տեղափոխել օպերային հարթակ:

«Պատասխանատվությունը հսկայական է, քանի որ սա պարզապես ստեղծագործություն չէ և երգիչների, և նվագախմբի և ինձ համար, որովհետև անհրաժեշտ է ամեն ինչ պահել ճիշտ և հստակ»,- ասում է լեհ բեմադրող-դիրիժոր Միխայիլ Կլաուզեն:

«Ինչպես վեպը, այնպես էլ Վայնբերգի երաժշտությունն առաջ է անցել իր ժամանակից»,- նշել մենակատար Պյոտր Միգունովը:

Շատերի կարծիքով այս բարդ երաժշտական ստեղծագործությունը այն շարքից է, որը կատարողին կարող է հասցնել պայթյունի: Այնտեղ տեղ են գտել կոմպոզիտորի մտորումները մարդու բնույթի, ցավի ու խարխլման, կորցրած հարմոնիայի ու գեղեցկության մասին, որը պետք է փրկի աշխարհը:

Ներկայացման ռեժիսոր Եվգենի Արյեն ատելությունից դեպի սեր տանող ճանապարհը անցնում է «Ապուշը» ներկայացման հերոսների հետ: Ասենք, որ նա նույնպես սկզբում բողոքում էր Վայնբերգի երաժշտության դեմ, իսկ հիմա հայտարարում է, որ չի կարող ապրել առանց դրա: «Ես ասացի, որ իմ մտքերը երկրորդական են, որ պետք է սրան տիրել: Հիմա գլխումս, նույնիսկ գիշերները, հնչում են նրա մեղեդիները»,-խոստովաում է նա:

Ի դեպ, Մեծ թատրոնում կայացած այս պրեմիերան համընկել է Վայնբերգին նվիրված ֆորումի հետ, որի շրջանակներում Մոսկվացի հանդիսատեսներին է ներկայացվում նաև կոմպոզիտորի «Ուղևորուհիները» օպերայի երկու տարբերակները՝ Մոսկվայի «Նոր Օպերա» և Եկատերինբուրգի թատրոնների արտիստների կատարմամբ:
    Դիտվել է 842 անգամ