Քաղաքակրթական ներուժը կեցության բարձրագույն արժեք է:

Կրկին մի ողջ գիշեր թատրոն և թատերական աշխարհ

03.14.2017


Մարտի 27-ի նախօրեին, Թատրոնի համաշխարհային օրից մեկ օր առաջ, Մոսկվայում կկայանա ամենամյա «Գիշերը թատրոնում» միջոցառումը: Այդ մասին «interfax.ru»-ի տեղեկատվությունը փոխանցում է «taglur.am»-ը:

Այդ գիշեր քաղաքի 60 թատրոններ հանդես կգան հատուկ ծրագրով, որի իրականացմանն են կոչվելու քաղաքի տարբեր հատվածներում գտնվող թատերական հարթակները: «Գիշերը թատրոնում» ակցիայի սկիզբը կազդարարվի Մոսկվայի մշակութային ֆորումում, որը նույնպես մեկնարկելու է մարտի 26-ին:

Միջոցառման հետաքրքրական ծրագրերից մեկը 4 գործողությամբ կանդրադառնա «հեղափոխության ժամանակածրջանին», Հայրենական պատերազմին և խռուշչևյան հալոցքի տարիներին: Այդ բեմադրությունը պատրաստել են «Դրամատուրգիայի և ռեժիսուրայի կենտրոն» թատրոնի արտիստները: Հետաքրքիր է, որ բեմական հարթակ դուրս կգան նաև ժամանակակից շատ բանաստեղծներ և արվեստագետներ, որոնք, սակայն, հանդես կգան ներկայացվող ժամանակաշրջանների գրչի հայտնի վարպետների անունից և նրանց ստեղծագործություններով:

Որոշ թատրոններ էլ հնարավորություն կտան հանդիսատեսներին այդ գիշեր շրջել և ավելի մոտիկից ծանոթանալ իրենց «տնտեսությանը»:

Բոլոր միջոցառումների մուտքը ազատ է: Պարզապես մասնակցել ցանկացողները պետք է նախօրոք գրանցվեն համապատասխան կայքերում, սոցիալական ցանցում կամ այդ մասին հեռաձայնեն թատրոններին:
    Դիտվել է 901 անգամ