Քաղաքակրթական ներուժը կեցության բարձրագույն արժեք է:

Ս. Սոլովյով. «Ստեղծում էր օդեղեն միջավայր, որտեղ ծնվում էր ամենայն ողջը, ամենայն լավը»

09.09.2017


Նախօրեին՝ սեպտեմբերի 8-ին, Սանկտ-Պետերբուրգում մեկնարկել է «Դ-ի օրը» փառատոնը՝ նվիրված Սերգեյ Դովլաթովի հիշատակին: Փառատոնն անդրադառնում է «երկրորդ հալոցքի» թեմային: Այդ մասին տեղեկացնում է «taglur.am»-ը՝ հղում անելով «.teatral-online.ru»-ին:

Միջոցառման շրջանակներում «K Gallery» ցուցատաղավարում կբացվի նյու-յորքցի լուսանկարիչ Նատալիա Շարիմովայի աշխատանքների ցուցահանդեսը, ռեժիսոր Սերգեյ Սոլովյովը կներկայացնի իր «Գենա Շպալիկով» ներկայացումը, կկայանա 1960-ական թվականների լենինգրադյան պոեզիայի երեկո, ցուցահանդես և զրույցներ երկրորդ հոլոցքի թեմաներով, կինոցուցադրություններ:

Ի դեպ, փառատոնում սցենարիստ, ռեժիսոր, բանաստեղծ և հալոցքի տարիների յուրահատուկ խորհրդանիշի վերածված Գենադի Շպալիկովի ծննդյան 80 ամյակի կապակցությամբ Սերգեյ Սոլովյովը կներկայացնի նաև նրա «Երկար երջանիկ կյանք» կինոնկարը:

«Շպալիկովն այսօր էլ Շպալիկով է: Իսկ այն ժամանակ այդ անունը հնչում էր որպես նշանաբան, որպես խորհրդանիշ: Նա պարզապես մարդ չէր, նա երջանկության օդ արտադրող յուրահատուկ մեքենա էր: Ուրիշները գրում էին սցենարներ, նկարահանում էին ֆիլմեր, իսկ Գենան ստեղծում էր օդեղեն միջավայր, որտեղ ծնվում էր ամենայն ողջը, ամենայն լավը»,- այսպես է գրել Նատալյա Ռյազանցևայի «Ձայնը» գրքի առաջաբանում Սերգեյ Սոլովյովը:
Փառատոնը կշարունակվի մինչև սեպտեմբերի 10-ը:




Այս թեմայով այլ հղումներ-1
Այս թեմայով այլ հղումներ-2
Այս թեմայով այլ հղումներ-3
Այս թեմայով այլ հղումներ- 4
Այս թեմայով այլ հղումներ-5
Այս թեմայով այլ հղումներ-6
    Դիտվել է 782 անգամ