Քաղաքակրթական ներուժը կեցության բարձրագույն արժեք է:

Բրիտանացի ռեժիսորը պարգևատրվել է Ռուսաստանում

11.28.2017


Ռուսաստանի նախագահ Վլադիմիր Պուտինը «Բարեկամություն» շքանշանով պարգևատրել է բրիտանացի ռեժիսոր Դեկլան Դոննելլանին: Անվանի ռեժիսորը ռուսական պետական բարձր պարգևին արժանացել է «Ժողովուրդների միջև բարեկամության և համագործակցության գործում ներդրած վաստակի, ազգերի ու ազգությունների մշակույթների մերձեցման և փոխհարստացման մեջ արգասաբեր գործունեության համար»: Այդ մասին տեղեկացնում է «tvkultura.ru»-ն:

Դեկլան Դոննելլանը «Cheek by Jowl» թատրոնի տնօրենն է, Լոուրենս Օլիվյեի մրցանակի եռակի դափնեկիր, Արվեստների և գրականության ֆրանսիական շքանշանի ասպետ, ռուսական «Ոսկե դիմակ» և «Բյուրեղապակյա Տուրանդոտ» թատերական մրցանակների դափնեկիր:

Դոննելլանը բեմադրություններ է պատրաստել Պետերբուրգում, Մոսկվայում: Նշենք նաև, որ բեմադրել է ինչպես դրամատիկականթատերական գործեր, այնպես էլ օպերա և բալետ:
    Դիտվել է 890 անգամ