Քաղաքակրթական ներուժը կեցության բարձրագույն արժեք է:

Սեփական ներկայացումների վրա արտասահմանցիների ուշադրությունը գրավելու համար

03.29.2018


Այսօր՝ մարտի 29-ին, Մոսկվայում «Ոսկե դիմակ» փառատոնի շրջանակներում աշխատանքներն սկսեց «Russian Case» ծրագիրը: Հասցեագրված լինելով թատրոնի արտասահմանցի պրոդյուսերներին, քննադատներին, թատրոնների տնօրեններին՝ այն նպատակ ունի անհամեմատ սեղմ ժամկետներում նրանց ծանոթացնել այսօր ռուսական բեմարվեստում տիրող իրականությանը: Այդ մասին տեղեկացնոմ է «taglur.am»-ը՝ հղում անելով «tvkultura.ru»-ին:

«Russian Case»-ին , որը որպես փոքր և յուրահատուկ փառատոն անցկացվում է 2000թ.-ից, այս տարի կմասնակցեն 27 երկրների ներկայացուցիչներ, այդ թվում Ավստրիայից, Գերմանիայից, Հունգարիայից, Ֆրանսիայից, Իտալիայից, ԱՄՆ-ից, Հունաստանից, Շվեյցարիայից և այլն:

Ասենք, որ այս տարի առաջին անգամ այս միջոցառումը կհյուրընկալի նաև Թուրքիայի թատերական միջազգային փառատոնի ներկայացուցիչներին:

Ծրագրում ընդգրկված են 25 բեմադրություն: Դրանք ցուցադրվելու են «շոուքեյսի» սկզբունքով, որը հնարավորություն է տալիս արտասահմանցի հյուրերին դիտելու ծրագրում ընդգրկված առավելագույն թվով ներկայացումներ:

Հիշեցնենք, որ Ռուսական «Վոսկե դիմակ» ազգային թատերական մրցանակաբաշխության հանդիսավոր արարողությունը կկայանա 2018թ ապրիլի. 15-ին:
    Դիտվել է 1011 անգամ