Երկու ընտանիքներին միմյանց հետ հաշտեցնելու գինը03.14.2019
Նախօրեին, մարտի 13-ին, Մոսկվայի Կրեմլի պետական մեծ համերգասրահում ֆրանսիացի ժամանակակից կոմպոզիտոր Ժերար Պրեստգուրվիկը ներկայացրել է իր «Ռոմեո և Ջուլիետ» մյուզիքլը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:
«Բոլոր երկրներում մարդկանց սիրտը նման է. մենք լացում և ծիծաղում ենք միևնույն զգացմունքների պատճառով: Յուրաքանչյուր երկրում ապրում են Ռոմեո և Ջուլիետներ, և յուրաքանչյուր երկրում կան հակամարտող կլաններ: Այդ պատճառով էլ այսպիսի պատմությունները շատ ունիվերսալ են»,- նշել է Պրեստգուրվիկը ներկայացումը ցուցադրելուց առաջ:
Նրա կարծիքով 16-րդ դարում ստեղծագործած Ուիլյամ Շեքսպիրի այս ստեղծագործությունը «աշխարհում սիրո գլխավոր պատմությունն է»: Նա, ի տարբերություն ընդունված մոտեցումների, փոքր ինչ այլ կերպ է ընթերցում դասական այս ստեղծագործությունը: Եվ դա, բնականաբար, հանգեցնում է շեքսպիրյան սյուժեից տարբերվող մեկնաբանության: Նա նշում է, որ իր մյուզիքլում «պատմությունը շատ ավելի ֆեմինիստական է, կանացի, այն Ջուլիետայի մասին է»:
«Այս պատմության մեջ գլխավորը սիրո հաղթանակն է ատելության նկատմամբ: Հերոսները մահանում են, սակայն դա երկու ընտանիքներին միմյանց հետ հաշտեցնելու գինն է»,- ասել է Ջուլիետին կերպավորած դերասանուհի Կլիմանս Իլիակեն:
Նրա կարծիքով բեմում սեր խաղալու համար պետք է ինչ-որ բան զգաս խաղընկերոջդ հանդեպ: Նա և Ռոմեոյի դերակատար Դամյեն Սարգը վաղուց են բարեկամներ դարձել:
Սարգը, որ ամուսնացած է և երջանիկ, բացատրում է, որ ինքը նայում է Ջուլիետային, սակայն մտածում է իր կնոջ մասին: «Այդպես,-նշում է նա,- ես ձգտում եմ ցուցադրել իսկական սերը»: Ըստ նրա Ռոմեոն, քանի որ ընտանիքի միակ զավակն է, փնտրում է միայն բացարձակ սեր...
Ասենք, որ ֆրանսիացիներն այս մյուզիքլը մոսկվացիներին ցուցադրել են նաև 9 տարի առաջ: Սակայն առաջին խմբագրության համեմատությամբ այստեղ ավելացել են նոր երգեր... «Մյուզիքլի վրա կարելի է աշխատել ողջ կյանքում և ինչ-որ բան դարձնել ավելի ժամանակակից»,- ասել է Ժերար Պրեստգուրվիկը:
Ավելացնենք, որ ներկայացումը տևում է 3 ժամ: Ավարտին լեփ-լեցուն դահլիճը դերասաններին իր շնորհակալությունն արտահայտել է 15 րոպե շարունակվող բուռն ծափահարությամբ:
Ժերար Պրեստգուրվիկի ղեկավարած թատերախումբը մոսկվացիներին իր արվեստը կներկայացնի մինչև մարտի 19-ը:
Նախօրեին, մարտի 13-ին, Մոսկվայի Կրեմլի պետական մեծ համերգասրահում ֆրանսիացի ժամանակակից կոմպոզիտոր Ժերար Պրեստգուրվիկը ներկայացրել է իր «Ռոմեո և Ջուլիետ» մյուզիքլը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:
«Բոլոր երկրներում մարդկանց սիրտը նման է. մենք լացում և ծիծաղում ենք միևնույն զգացմունքների պատճառով: Յուրաքանչյուր երկրում ապրում են Ռոմեո և Ջուլիետներ, և յուրաքանչյուր երկրում կան հակամարտող կլաններ: Այդ պատճառով էլ այսպիսի պատմությունները շատ ունիվերսալ են»,- նշել է Պրեստգուրվիկը ներկայացումը ցուցադրելուց առաջ:
Նրա կարծիքով 16-րդ դարում ստեղծագործած Ուիլյամ Շեքսպիրի այս ստեղծագործությունը «աշխարհում սիրո գլխավոր պատմությունն է»: Նա, ի տարբերություն ընդունված մոտեցումների, փոքր ինչ այլ կերպ է ընթերցում դասական այս ստեղծագործությունը: Եվ դա, բնականաբար, հանգեցնում է շեքսպիրյան սյուժեից տարբերվող մեկնաբանության: Նա նշում է, որ իր մյուզիքլում «պատմությունը շատ ավելի ֆեմինիստական է, կանացի, այն Ջուլիետայի մասին է»:
«Այս պատմության մեջ գլխավորը սիրո հաղթանակն է ատելության նկատմամբ: Հերոսները մահանում են, սակայն դա երկու ընտանիքներին միմյանց հետ հաշտեցնելու գինն է»,- ասել է Ջուլիետին կերպավորած դերասանուհի Կլիմանս Իլիակեն:
Նրա կարծիքով բեմում սեր խաղալու համար պետք է ինչ-որ բան զգաս խաղընկերոջդ հանդեպ: Նա և Ռոմեոյի դերակատար Դամյեն Սարգը վաղուց են բարեկամներ դարձել:
Սարգը, որ ամուսնացած է և երջանիկ, բացատրում է, որ ինքը նայում է Ջուլիետային, սակայն մտածում է իր կնոջ մասին: «Այդպես,-նշում է նա,- ես ձգտում եմ ցուցադրել իսկական սերը»: Ըստ նրա Ռոմեոն, քանի որ ընտանիքի միակ զավակն է, փնտրում է միայն բացարձակ սեր...
Ասենք, որ ֆրանսիացիներն այս մյուզիքլը մոսկվացիներին ցուցադրել են նաև 9 տարի առաջ: Սակայն առաջին խմբագրության համեմատությամբ այստեղ ավելացել են նոր երգեր... «Մյուզիքլի վրա կարելի է աշխատել ողջ կյանքում և ինչ-որ բան դարձնել ավելի ժամանակակից»,- ասել է Ժերար Պրեստգուրվիկը:
Ավելացնենք, որ ներկայացումը տևում է 3 ժամ: Ավարտին լեփ-լեցուն դահլիճը դերասաններին իր շնորհակալությունն արտահայտել է 15 րոպե շարունակվող բուռն ծափահարությամբ:
Ժերար Պրեստգուրվիկի ղեկավարած թատերախումբը մոսկվացիներին իր արվեստը կներկայացնի մինչև մարտի 19-ը:
 28.11.jpg)
.jpg)
