Ստորագրությամբ չբացակայելու խափանման միջոցի տակ գտնվող ռեժիսորը դարձել է մրցանակակիր04.17.2019
Նախօրեին, ապրիլի 16-ին, Մեծ թատրոնում կայացել է Ռուսաստանի գլխավոր թատերական մրցանակաբաշխության «Ոսկե դիմակի» եզրափակիչ և գլխավոր ամփոփիչ արարողությունը՝ հայտարարվեցին մրցույթի 2019թ.-ի դափնեկիր դարձած բեմադրությունները և դրանց հեղինակները: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
Ռեժիսոր Կիրիլ Սերեբրեննիկովը, որի նկատմամբ հարուցված քրեական գործը դեռ դատական քննության փուլում է, դարձել է դափնեկիր «Լավագույն դրամատիկական ռեժիսոր» անվանակարգում՝ իր ղեկավարությամբ գործող «Գոգոլ-կենտրոն» թատրոնում բեմադրած «Փոքրիկ ողբերգություններ» ներկայացման համար:
«Այս անվանակարգում կային շատ արժանի ռեժիսորներ, նույնիսկ չափազանց շատ»,- ասել է Սերեբրեննիկովը և հույս է հայտնել, որ այս պարգևը իրեն իրոք տրվում է բեմադրության համար: Նա նաև նշել է, որ հաջողությունն անհնար կլիներ առանց իր ընկերների, թիմ-ընտանիքի, որը գործը շարունակել է իր հետ և առանց իրեն...
«Մենք միմյանց զգում էին նույնիսկ տարածության վրա »,-ասել է նա:
Սերեբրեննիկովը ընդգծել է, որ իր ստեղծագործական մտահղացումներն անհնար կլինեին առանց հոր, որն իր հետ է ամեն վայրկյան: «Դա անհնար կլիներ առանց Ալեքսանդր Սերգեևիչ Պուշկինի, որի ստեղծագործությունը հարմար է կյանքի բոլոր հանգամանքների համար, նույնիսկ, երբ դու գտնվում ես տնային կալանքի մեջ»,-նշել է նա նաև իր բեմադրության գրական տեքստի դասական հեղինակին:
Օգտվելով մրցանակն ստանալու այս պատեհ պահից, Սերեբրեննիկովը դիմել է բոլոր նրանց, ումից կախված է թատրոնի ճակատագիրը, կոչ անելով աշխատելու պաշտպանել «արվեստագետի ազատությունը թատրոնում, մարդու ազատությունը թատրոնում և բոլոր ուժերով, ի հեճուկս ամեն ինչի, ձգտել պահպանել այդ ազատությունը»:
Նշենք, որ այս տարի սա Սերեբրեննիկովի երկրորդ «Ոսկե դիմակն» է: Առաջինին նա արժանացել էր Մեծ թատրոնում բեմադրված «Նուրեև» բալետի համար, որի պրեմիերային ինքը այդպես էլ չկարողացավ ներկայանալ՝ տնային կալանքի մեջ գտնվելու պատճառով:
Այս թեմայով այլ հղումներ-1
Նախօրեին, ապրիլի 16-ին, Մեծ թատրոնում կայացել է Ռուսաստանի գլխավոր թատերական մրցանակաբաշխության «Ոսկե դիմակի» եզրափակիչ և գլխավոր ամփոփիչ արարողությունը՝ հայտարարվեցին մրցույթի 2019թ.-ի դափնեկիր դարձած բեմադրությունները և դրանց հեղինակները: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
Ռեժիսոր Կիրիլ Սերեբրեննիկովը, որի նկատմամբ հարուցված քրեական գործը դեռ դատական քննության փուլում է, դարձել է դափնեկիր «Լավագույն դրամատիկական ռեժիսոր» անվանակարգում՝ իր ղեկավարությամբ գործող «Գոգոլ-կենտրոն» թատրոնում բեմադրած «Փոքրիկ ողբերգություններ» ներկայացման համար:
«Այս անվանակարգում կային շատ արժանի ռեժիսորներ, նույնիսկ չափազանց շատ»,- ասել է Սերեբրեննիկովը և հույս է հայտնել, որ այս պարգևը իրեն իրոք տրվում է բեմադրության համար: Նա նաև նշել է, որ հաջողությունն անհնար կլիներ առանց իր ընկերների, թիմ-ընտանիքի, որը գործը շարունակել է իր հետ և առանց իրեն...
«Մենք միմյանց զգում էին նույնիսկ տարածության վրա »,-ասել է նա:
Սերեբրեննիկովը ընդգծել է, որ իր ստեղծագործական մտահղացումներն անհնար կլինեին առանց հոր, որն իր հետ է ամեն վայրկյան: «Դա անհնար կլիներ առանց Ալեքսանդր Սերգեևիչ Պուշկինի, որի ստեղծագործությունը հարմար է կյանքի բոլոր հանգամանքների համար, նույնիսկ, երբ դու գտնվում ես տնային կալանքի մեջ»,-նշել է նա նաև իր բեմադրության գրական տեքստի դասական հեղինակին:
Օգտվելով մրցանակն ստանալու այս պատեհ պահից, Սերեբրեննիկովը դիմել է բոլոր նրանց, ումից կախված է թատրոնի ճակատագիրը, կոչ անելով աշխատելու պաշտպանել «արվեստագետի ազատությունը թատրոնում, մարդու ազատությունը թատրոնում և բոլոր ուժերով, ի հեճուկս ամեն ինչի, ձգտել պահպանել այդ ազատությունը»:
Նշենք, որ այս տարի սա Սերեբրեննիկովի երկրորդ «Ոսկե դիմակն» է: Առաջինին նա արժանացել էր Մեծ թատրոնում բեմադրված «Նուրեև» բալետի համար, որի պրեմիերային ինքը այդպես էլ չկարողացավ ներկայանալ՝ տնային կալանքի մեջ գտնվելու պատճառով:
Այս թեմայով այլ հղումներ-1