Ինչպես միմյանց շրջանցում են վարակվելու վախը սրտերում պահած անցորդները05.05.2020
«Ես չեմ կարող ասել, թե որքան է արդարացված խուճապը, բայց ակնհայտ է, որ աշխարհը կփոխվի»,- ռուսական «Տեատրալ» պարբերականին տված հարցազրույցում նշել է Ավստրալիական Մելբուռն քաղաքի «Էմպիրեյ» թատրոնի գեղարվեստական ղեկավար Վյաչեսլավ Միլլերը:
Նա կարծում է, որ այդ փոփոխությունը շատ բանով կախված է ստեղծագործողներից, որոնք պետք է ողջ աշխարհում դասեր քաղեն իրենց սխալներից: Քանի որ, ըստ նրա, մշակույթի գործիչների ազդեցությունը մարդկանց գիտակցության ձևավորման վրա մեծ է:
Ըստ Միլլերի «այս ընդմիջումը» մարդկությանը տրվել է ներքին մենախոսության համար, հավերժական արժեքներ և բարոյական իդեալներ արարողների մշակույթի հանդեպ մոտեցումները վերարժևորելու համար:
«Մի՞թե շատ թատրոններ նպատակադրված չէին, օրինակ, ցանկացած ճանապարհով գրավել հանդիսատեսին իր բեմադրությունները դիտելու համար»,- հարցնում է Միլլերը և արձանագրում, որ զանգվածային հանդիսատեսին գրավելու մրցավազքում բեմ է բարձրացվում գռեհիկությունը, բռնությունը, անբարոյականությունը: Պատվի են արժանանում այն դրամատուրգները, որոնք գրում են դատարկ, անբովանդակ, «գոտկատեղից ցածր» պիեսներ: Օլիմպիոս են բարձրացել այնպիսի ռեժիսորներ, որոնք պղծում են դասական ստեղծագործությունները և ներգործում են մարդկանց գիտակցության վրա՝ խաղալով պարզունակ բնազդների հետ... Դա կատարվում է նաև կինոյում...
«Իսկ հիմա որտե՞ղ է այդ զանգվածային հանդիսատեսը»,- ակնհայտ երգիծանքով հարցնում է Միլլերն, անշուշտ, նկատի ունենալով կորոնավիրուսի համաճարակի պատճառով ամբողջ աշխարհում ձևավորված ինքնամեկուսացման և կարանտինային իրավիճակը:
Միլլերը կարծում է, որ բոլոր ստեղծագործող մարդիկ պետք է սթափվեն, այլապես այն «զանգվածները», որոնք վարժվել են բեմի և էկրանի «սանձարձակություններին» և որոնց մեջ արդեն ձևավորվել է որոշակի «ճաշակ» հոգևորի բացակայության համաճարակի պայմաններում կթևանցեն թատերական դահլիճները և կինոթատրոնները՝ ճիշտ այնպես, ինչպես հիմա միմյանց են շրջանցում վարակվելու վախը սրտերում պահած անցորդները...
Լուսանկարն՝ ըստ հղման աղբյուրի:
«Ես չեմ կարող ասել, թե որքան է արդարացված խուճապը, բայց ակնհայտ է, որ աշխարհը կփոխվի»,- ռուսական «Տեատրալ» պարբերականին տված հարցազրույցում նշել է Ավստրալիական Մելբուռն քաղաքի «Էմպիրեյ» թատրոնի գեղարվեստական ղեկավար Վյաչեսլավ Միլլերը:
Նա կարծում է, որ այդ փոփոխությունը շատ բանով կախված է ստեղծագործողներից, որոնք պետք է ողջ աշխարհում դասեր քաղեն իրենց սխալներից: Քանի որ, ըստ նրա, մշակույթի գործիչների ազդեցությունը մարդկանց գիտակցության ձևավորման վրա մեծ է:
Ըստ Միլլերի «այս ընդմիջումը» մարդկությանը տրվել է ներքին մենախոսության համար, հավերժական արժեքներ և բարոյական իդեալներ արարողների մշակույթի հանդեպ մոտեցումները վերարժևորելու համար:
«Մի՞թե շատ թատրոններ նպատակադրված չէին, օրինակ, ցանկացած ճանապարհով գրավել հանդիսատեսին իր բեմադրությունները դիտելու համար»,- հարցնում է Միլլերը և արձանագրում, որ զանգվածային հանդիսատեսին գրավելու մրցավազքում բեմ է բարձրացվում գռեհիկությունը, բռնությունը, անբարոյականությունը: Պատվի են արժանանում այն դրամատուրգները, որոնք գրում են դատարկ, անբովանդակ, «գոտկատեղից ցածր» պիեսներ: Օլիմպիոս են բարձրացել այնպիսի ռեժիսորներ, որոնք պղծում են դասական ստեղծագործությունները և ներգործում են մարդկանց գիտակցության վրա՝ խաղալով պարզունակ բնազդների հետ... Դա կատարվում է նաև կինոյում...
«Իսկ հիմա որտե՞ղ է այդ զանգվածային հանդիսատեսը»,- ակնհայտ երգիծանքով հարցնում է Միլլերն, անշուշտ, նկատի ունենալով կորոնավիրուսի համաճարակի պատճառով ամբողջ աշխարհում ձևավորված ինքնամեկուսացման և կարանտինային իրավիճակը:
Միլլերը կարծում է, որ բոլոր ստեղծագործող մարդիկ պետք է սթափվեն, այլապես այն «զանգվածները», որոնք վարժվել են բեմի և էկրանի «սանձարձակություններին» և որոնց մեջ արդեն ձևավորվել է որոշակի «ճաշակ» հոգևորի բացակայության համաճարակի պայմաններում կթևանցեն թատերական դահլիճները և կինոթատրոնները՝ ճիշտ այնպես, ինչպես հիմա միմյանց են շրջանցում վարակվելու վախը սրտերում պահած անցորդները...
Լուսանկարն՝ ըստ հղման աղբյուրի:
 28.11.jpg)
.jpg)
