Քաղաքային միջավայրը կդառնա բեմադրության «լրացուցիչ իրականությունը»07.21.2020
Մոսկվայում նախապատրաստվում են թողարկել «Փախչող Ատալանտա» յուրահատուկ ներկայացումը, որի համար հարթակ կծառայի նաև «լրացուցիչ իրականությունը»։ Դրա համար ստեղծվել է տեղաշարժման ուղղությունները ցույց տվող Immerse ներդիր՝ բջջային հեռախոսի համար, նաև կօգտագործվի սմարթֆոնի խցիկը, որը կնպաստի հին Մոսկվայում մետաֆիզիկական ճանապարհորդության իրականացմանը։ Այդ մասին տեղեկացնում է «taglur.am»-ը՝ հղում անելով «teatral-online.ru»֊ին։
Իրական կյանքին զուգահեռ ստեղծվող իրականությունը կբացվի Ռուսաստանի մայրաքաղաքի պատմական Կիտայգորոդի շրջանում, որտեղ նախապես որոշված է ներկայացման երթուղին։ Սյուժեն հիմնված է 17-րդ դարի «Ատալանտա Ֆուգիենս» տրակտատի վրա, որը համարվում է ալքիմիկոսների միստիկական գաղտնի հասարակության ստեղծագործության գագաթը ։
«Դա միկրո և մակրո տիեզերքների, մարդու ներքին տարածության և քաղաքի արտաքին չափումների երկխոսություն է»,֊ ասում է այս յուրահատուկ նախագծի ռեժիսոր Մաքսիմ Դիդենկոն։ Նա նշում է, որ ինքը սիրում է քայլել քաղաքում և հայտնաբերել իր համար չբացահայտված անկյուններ։ Ռեժիսորը խոստովանում է, որ ինքը պարզապես կիսում է իր փորձը և ցանկանում է ուղեկցել հանդիսատեսին այն տեղերով, որոնք շատ կարևոր են անձամբ իր համար։
Ասենք, որ ներկայացման ընթացքում կան նաև պարի տեսարաններ, որոնք հեղինակել է Մարինյան թատրոնի խորեոգրաֆ Վլադիմիր Վարնավան։
«Փախչող Ատալանտան» Մոսկվայում կցուցադրվի օգոստոս ամսին, իսկ հետո այն կհարմարեցվի Սանկտ-Պետերբուրգի և այլ քաղաքների պայմաններին և կներկայացվի տեղի հանդիսատեսներին։
Լուսանկարն՝ ըստ հղման աղբյուրի:
Մոսկվայում նախապատրաստվում են թողարկել «Փախչող Ատալանտա» յուրահատուկ ներկայացումը, որի համար հարթակ կծառայի նաև «լրացուցիչ իրականությունը»։ Դրա համար ստեղծվել է տեղաշարժման ուղղությունները ցույց տվող Immerse ներդիր՝ բջջային հեռախոսի համար, նաև կօգտագործվի սմարթֆոնի խցիկը, որը կնպաստի հին Մոսկվայում մետաֆիզիկական ճանապարհորդության իրականացմանը։ Այդ մասին տեղեկացնում է «taglur.am»-ը՝ հղում անելով «teatral-online.ru»֊ին։
Իրական կյանքին զուգահեռ ստեղծվող իրականությունը կբացվի Ռուսաստանի մայրաքաղաքի պատմական Կիտայգորոդի շրջանում, որտեղ նախապես որոշված է ներկայացման երթուղին։ Սյուժեն հիմնված է 17-րդ դարի «Ատալանտա Ֆուգիենս» տրակտատի վրա, որը համարվում է ալքիմիկոսների միստիկական գաղտնի հասարակության ստեղծագործության գագաթը ։
«Դա միկրո և մակրո տիեզերքների, մարդու ներքին տարածության և քաղաքի արտաքին չափումների երկխոսություն է»,֊ ասում է այս յուրահատուկ նախագծի ռեժիսոր Մաքսիմ Դիդենկոն։ Նա նշում է, որ ինքը սիրում է քայլել քաղաքում և հայտնաբերել իր համար չբացահայտված անկյուններ։ Ռեժիսորը խոստովանում է, որ ինքը պարզապես կիսում է իր փորձը և ցանկանում է ուղեկցել հանդիսատեսին այն տեղերով, որոնք շատ կարևոր են անձամբ իր համար։
Ասենք, որ ներկայացման ընթացքում կան նաև պարի տեսարաններ, որոնք հեղինակել է Մարինյան թատրոնի խորեոգրաֆ Վլադիմիր Վարնավան։
«Փախչող Ատալանտան» Մոսկվայում կցուցադրվի օգոստոս ամսին, իսկ հետո այն կհարմարեցվի Սանկտ-Պետերբուրգի և այլ քաղաքների պայմաններին և կներկայացվի տեղի հանդիսատեսներին։
Լուսանկարն՝ ըստ հղման աղբյուրի:
