Քաղաքակրթական ներուժը կեցության բարձրագույն արժեք է:

Ուսանողները «կենդանացնում են» նամակների հեղինակների ձայները

09.14.2020


Անցած կիրակի, սեպտեմբերի 13-ին, Մոսկվայի պատմության թանգարանում Թատերական արվեստների պետական ինստիտուտի ուսանողները և շրջանավարտները « Նամակ: 75 բառ պատերազմի մասին» վերնագրով ցուցադրանքի միջավայրում ներկայացրել են նույնանուն պերֆորմենս, որը բնութագրվել է որպես «տպավորիչ և խիստ անձնական մինի-ներկայացում»,- այդ մասին տեղեկացնում է «taglur.am»-ը՝ հղում անելով «teatral-online.ru»-ին:

« Նամակ: 75 բառ պատերազմի մասին» ցուցադրանքը անդրադարձ է անցյալի ողբերգական իրադարձություններին՝ ականատեսների վկայությունների միջոցով, որոնք արտահայտված են 2-րդ համաշխարհայինի ընթացքում Մոսկվայի մոտ կռված ճակատայինների նամականերում, անձնական գրառումներում և մոսկվացիների հիշողություններում: Դրանք 90 նամակներ են: Հեղինակները կռվի մեկնած մարդիկ են , որոնք գրում են իրենց հարազատներին, ընկերներին, սիրելիներին...

Հենց այդպիսի վավերագրական նյութի հիման վրա էլ ստեղծվել է ներկայացումը, որը Մոսկվայի պատմության թանգարանում ամեն կիրակի կներկայացվի 2 անգամ:

Թատերական արվեստների պետական ինստիտուտի Լեոնիդ Խեյֆեցի և Վլադիմիր Անդրեևի արվեստանոցների ուսանողները « «կենդանացնում են» նամակների հեղինակների ձայները: Պերֆորմենսի ռեժիսոր Ալեքսեյ Տրեգուբովը թանգարանային տարածքում ստեղծել է 1940-ական թթ.-երի Մոսկվայի մթնոլորտը, որտեղ տեղից տեղ փոխադրվելով պետք է հանդիսատեսները հետևեն մինի-ներկայացման ընթացքին:

Թանգարանային միջավայրի յուրաքանչյուր առանձին հատվածում նրանց սպասում է հետաքրքրական և հուզիչ մի դրվագ պատերազմական տարիների մոսկվացիների կյանքից:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 778 անգամ