Քաղաքակրթական ներուժը կեցության բարձրագույն արժեք է:

Ոստիկանությունը կստուգի թատրոններից մեկի բեմադրության օրինականությունը

12.20.2013


Մասնավոր կարգով 4 քաղաքացիներ դիմել են ոստիկանություն՝ խնդրելով ստուգել Մոսկվայի թատրոններից մեկում բեմադրված ներկայացման օրինականությունը, հաղորդել են ՌԴ ՆԳՆ մայրաքաղաքի Պետական վարչության մամլո ծառայությունից:

Իրավապահ մարմինների աղբյուրը նաև տեղեկացնում է, որ բողոքի պատճառ է հանդիսացել Չեխովի անվան գեղարվեստական թատրոնի «Իդեալական ամուսինը» կատակերգությունը:

«Դիմումներն ստացվել են 4 տարբեր քաղաքացիներից: Դիմումները ընդունվել են և կքննարկվեն օրենքով ընդունված կարգով»,-ասել են ՆԳ բաժանմունքում:

Նոյեմբերի վերջին հայտնի ակտիվիստ Էնտոն մի քանի համախոհների հետ ներկայացման ժամանակ ներխուժել է բեմ և գորգռացել հավատապղծության մասին: Նա նաև հայտարարել է, որ իրենք բողոք են ներկայացրել ներկայացման դեմ, որն, ըստ Էնտոյի ոտնահարում է հավատացյալների զգացմունքները:

Սակայն լրատվամիջոցներին չի հաջողվել պարզել, թե այդ 4 քաղաքացիների բողոքն արդյո՞ք նույն թեմային է վերաբերում:

«Իդեալական ամուսինը» կատակերգությունը բեմադրել է Կոնստանտին Բոգոմոլովը՝ ըստ Օսկար Ուայլդի ստեղծագործությունների: Այս բեմադրությունը ընդգրկվել էր Ազգային թատերական բարձրագույն «Ոսկե դիմակ» մրցանակաբաշխության անվանացանկում: Բոգոմոլովը հայտնի է իր արմատական, աղմկահարույց ներկայացումներով և իրականության նկատմամ սուր երգիծական մոտեցմամբ:
    Դիտվել է 998 անգամ