Նիկուլինի 100֊ամյակը կնշանավորվի նոր կրկեսի ձևաչափով11.12.2021
2021 թ․ դեկտեմբերի 18֊ին լրանում է խորհրդային կատակերգական կինոյի և կրկեսի նշանավոր արտիստ Յուրի Նիկուլինի ծննդյան 100 ամյակը։ Հոբելյանի կապակցությամբ Մոսկվայի Մեյերհոլդ կենտրոնը պատրաստել է կրկեսային «Գրեթե լուրջ» վերնագրով ներկայացում։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։
Այս բեմադրության հիմքում ընկած է դրամատուրգ Եգոր Զայցևի պիեսը, որը նա գրել է Նիկուլինի համանուն ինքնակենսագրական գրքի և ԽՍՀՄ ժողովրդական արտիստի գործընկերների հիշողությունների հիման վրա։
Ներկայացման մեջ ռեժիսոր Ելենա Պոլդին ընդգրկել է Մոսկվայի թատերական արվեստների պետական ինստիտուտի շրջանավարտներին և մի շարք փորձառու արտիստների։
Բեմադրության ռեժիսորը նշել է, որ երիտասարդները հիմնականում կրկեսի ռեժիսուրայի ամբիոնի շրջանավարտներ են, որոնց առաջարկվել է ինքնուրույն ընտրել Նիկուլինի ինքնակենսագրության ցանկացած հատված, աշխատել այդ հատվածի վրա՝ կիրառելով արտահայտչականության զանազան միջոցներ՝ խոսակցական, դիտողական, պլաստիկ․․․ Այս կերպ զրուցելով կրկեսի և կինոյի արտիստների, լրագրողների և մեծ դերասանի թոռների հետ, նրանք կարողացել են վերականգնել արտիստի անցած կյանքի ուղին նոր կրկեսի ձևաչափով։
Ավելացնենք, որ «Գրեթե լուրջ» ներկայացման ռեժիսոր Ելենա Պոլդին ծնվել է կրկեսի արտիստների ընտանիքում, աշխատել է Նիկուլինի կրկեսում, իսկ հիմա ղեկավարում է թատերա֊կրկեսային «Անտկվարային կրկես» ընկերությունը։
Լուսանկարն՝ ըստ հղման աղբյուրի:
2021 թ․ դեկտեմբերի 18֊ին լրանում է խորհրդային կատակերգական կինոյի և կրկեսի նշանավոր արտիստ Յուրի Նիկուլինի ծննդյան 100 ամյակը։ Հոբելյանի կապակցությամբ Մոսկվայի Մեյերհոլդ կենտրոնը պատրաստել է կրկեսային «Գրեթե լուրջ» վերնագրով ներկայացում։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։
Այս բեմադրության հիմքում ընկած է դրամատուրգ Եգոր Զայցևի պիեսը, որը նա գրել է Նիկուլինի համանուն ինքնակենսագրական գրքի և ԽՍՀՄ ժողովրդական արտիստի գործընկերների հիշողությունների հիման վրա։
Ներկայացման մեջ ռեժիսոր Ելենա Պոլդին ընդգրկել է Մոսկվայի թատերական արվեստների պետական ինստիտուտի շրջանավարտներին և մի շարք փորձառու արտիստների։
Բեմադրության ռեժիսորը նշել է, որ երիտասարդները հիմնականում կրկեսի ռեժիսուրայի ամբիոնի շրջանավարտներ են, որոնց առաջարկվել է ինքնուրույն ընտրել Նիկուլինի ինքնակենսագրության ցանկացած հատված, աշխատել այդ հատվածի վրա՝ կիրառելով արտահայտչականության զանազան միջոցներ՝ խոսակցական, դիտողական, պլաստիկ․․․ Այս կերպ զրուցելով կրկեսի և կինոյի արտիստների, լրագրողների և մեծ դերասանի թոռների հետ, նրանք կարողացել են վերականգնել արտիստի անցած կյանքի ուղին նոր կրկեսի ձևաչափով։
Ավելացնենք, որ «Գրեթե լուրջ» ներկայացման ռեժիսոր Ելենա Պոլդին ծնվել է կրկեսի արտիստների ընտանիքում, աշխատել է Նիկուլինի կրկեսում, իսկ հիմա ղեկավարում է թատերա֊կրկեսային «Անտկվարային կրկես» ընկերությունը։
Լուսանկարն՝ ըստ հղման աղբյուրի: