Քաղաքակրթական ներուժը կեցության բարձրագույն արժեք է:

Բացառություն չէ նաև «Ինչ լավ է, որ այսպիսին եմ» բեմադրությունը․․․

10.21.2022

«Ինչ լավ է, որ այսպիսին եմ»։ Սա այն պիեսի վերնագիրն է, որը առաջիկայում Մոսկվայի պատմության թանգարանում հանդիսատեսներին կներկայացնեն «Պրակտիկա» թատրոնը և Բրուսնիկինի արվեստանոցը։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Բեմադրությունը հասցեագրված է ողջ ընտանիքին։ Այն պատրաստված է մանկական ոտանավորների և ռուսաստանցի հեղինակների արձակ գործերի հիման վրա։
Այս ընտանեկան բեմադրության ժամանակ մեծերը կկարողանան իրենց զգալ որպես երեխա, իսկ երեխաները մտքով կմարզվեն իրենց ծնողներին առավել լավ հասկանալու համար։ Սա ներկայացում է յուրահատուկ հիշեցում է այն բանի մասին, թե որքան կարևոր է, որպեսզի մարդն իր մեջ պահպանի անմիջականությունը, հետաքրքրասիրությունը և սերը կյանքի նկատմամբ՝ նույնիսկ այն ժամանակ, երբ մարդ դարձել է ավելի մեծ․․․

«Ես անկեղծորեն հավատում եմ, որ թատրոնը պետք է լինի հրաշքի հետ հանդիպման վայր։ Թող որ փոքրիկ, բայց և այնպես՝ հրաշքի հետ հանդիպման վայր։ Միամի՞տ է հնչում։ Հրաշալի է։ Միամտությունը դա քո մեջ եղած երեխային հասկանալու բանալին է»,֊ իր բեմադրության ասելիքը այսպես է մեկնաբանել ռեժիսոր Անդրեյ Գորդինը։

Ասենք, որ «Պրակտիկա» թատրոնը և Բրուսնիկինի արվեստանոցը իրենց բեմադրությունների համար հաճախ որպես հարթակ են ընտրում Մոսկվայի թանգարանի տարածքը։

Այդ առումով բացառություն չէ նաև «Ինչ լավ է, որ այսպիսին եմ» բեմադրությունը։





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 359 անգամ