Քաղաքակրթական ներուժը կեցության բարձրագույն արժեք է:

Դահլիճում հնչել են «պատանդ» վերցված մարդկանց ճիչեր․ «Բաց թող, ցավում է․․․»

11.09.2022

Ռուսաստանի Կալուգա քաղաքի ֆիլհարմոնիայի դահլիճում կայացել է «Քաղաքավարի մարդիկ» վերնագրով իմմերսիվ բեմադրության պրեմիերան, որն անդրադառնում է Դոնբասում տեղի ունեցող ռազմական գործողություններին։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Ներկայացման ընթացքում ուկրաինական բանակի զինվորական հագուստներով մարդիկ ցուցադրում են հրաձգության տեսարան, որից հետո հարձակվում են հանդիսատեսների վրա և վերցնում պատանդ։

Համացանցում տարածված տեսագրության համաձայն, ուկրաինական բանակի զինվորական հագուստներով դերասանները բեմադրության ցուցադրության ժամանակ օդ են կրակել ապամարտականացված զենքով (ապամարտականացված զենքը կրակում է դատարկ փամփուշտներ֊խմբ․)։ Դահլիճում հնչել են «պատանդ» վերցված մարդկանց ճիչեր․ «Բաց թող, ցավում է․․․»։

«Այդպիսի տեսարաններից մաշկդ փշաքաղվում է, սարսափ և անտրամաբանություն։ Հեղինակները ցանկացել էին հանդիսատեսներին խորասուզել այն մթնոլորտի մեջ, որը զգում են Դոնբասի բնակիչները 8 տարի շարունակ»,֊ նշել է «Նիկա -TV» տեղական հեռուստաալիքը։

«Քաղաքավարի մարդիկ» բեմադրությունը իրենից ներկայացնում է կինոյի, թատրոնի և երաժշտության սիմբիոզ։ Դերասանները ռազմական գործողությունների վետերաններ են, որոնք 2014թ․֊ից մասնակցել են Ուկրաինական հակամարտությանը։

Հեղինակները պլանավորել են իրենց բեմադրությունը ցուցադրել Ռուսաստանի ևս 12 քաղաքներում։


Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 194 անգամ