Որպես հայելի կարտացոլեն շավիղից դուրս եկած մեր օրերը12.12.2022
Զալցբուրգի փառատոնը ներկայացրել է 2023թ․֊ի ծրագիրը, որը բացի բազմաթիվ համերգներից հանդիսատեսներին կներկայացնի օպերային, դրամատիկական և երիտասարդական ծրագրեր։ Այդ մասին տեղեկացնում է «taglur.am»֊ը՝ հղում անելով «oteatre.info»֊ին։
Ինչպես միշտ, հանրահայտ միջոցառման անցկացման համար ընտրվել են ամռան ամիսները։ Այն կկայանա հուլիսի 20֊ից օգոստոսի 31֊ին։ Այս անգամ փառատոնը կառաջնորդվի շեքսպիրյան Համլետի նշանավոր արտահայտությամբ «Ժամանակը դուրս է սայթաքել իր շավիղից»։
Կազմակերպիչների կարծիքով մեր դարը նույնպես «շավիղից դուրս է սայթաքել» և գլոբալ կապերի և հեռանկարների հարցերը դարձել են առավել օրախնդիր, քան՝ երբևէ։ Այս պարագայում անհրաժեշտություն է առաջանում պարզել, թե արդյոք արվեստն ունի միջոցներ, որպեսզի հակադրվի այն մարտահրավերներին, որոնք այսօր ծառանում են մարդկանց առջև։
Փառատոնի կազմակերպիչները համոզված են, որ ինչ֊որ մի հրաշքով այդ հիմնախնդիրը հնարավոր է լուծել արվեստի ուժով։
Այն օպերային ստեղծագործությունները, որոնք ընդգրկվել են կայանալիք փառատոնի ծրագրում, որպես հայելի կարտացոլեն իրենց շավիղից դուրս եկած մեր օրերը։ Դրանք կներկայացվեն տարբեր դիտանկյուններից և կհակադրվեն ներկա սերնդի առջև ծառացած մարտահրավերներին։
Փառատոնի օպերային հատվածի ազդագրում տեղ են գտել 5 բեմադրության և 3 համերգների վերնագրեր, որոնց թվում Հենրի Պերսելլլի «Հնդկացիների թագուհին» օպերան։
Դրամատիկական ծրագրում կներկայացվեն 6 բեմադրություն և մի շարք հատուկ իրադարձություններ (ընթերցումներ, կինոդիտումներ):
Ավելացնենք, որ Զալցբուրգի փառատոնը պլանավորում է ներկայացնել նաև Մաքս Ռեյնհարդտի 150֊ամյակին նվիրված հատուկ ծրագիր, որի մասին առավել մանրամասն կհայտարարվի 2023թ․֊ի գարնանը։
Լուսանկարն՝ ըստ հղման աղբյուրի։
![](upload/Zaltsburg 2023 Tsragir.jpg)
Զալցբուրգի փառատոնը ներկայացրել է 2023թ․֊ի ծրագիրը, որը բացի բազմաթիվ համերգներից հանդիսատեսներին կներկայացնի օպերային, դրամատիկական և երիտասարդական ծրագրեր։ Այդ մասին տեղեկացնում է «taglur.am»֊ը՝ հղում անելով «oteatre.info»֊ին։
Ինչպես միշտ, հանրահայտ միջոցառման անցկացման համար ընտրվել են ամռան ամիսները։ Այն կկայանա հուլիսի 20֊ից օգոստոսի 31֊ին։ Այս անգամ փառատոնը կառաջնորդվի շեքսպիրյան Համլետի նշանավոր արտահայտությամբ «Ժամանակը դուրս է սայթաքել իր շավիղից»։
Կազմակերպիչների կարծիքով մեր դարը նույնպես «շավիղից դուրս է սայթաքել» և գլոբալ կապերի և հեռանկարների հարցերը դարձել են առավել օրախնդիր, քան՝ երբևէ։ Այս պարագայում անհրաժեշտություն է առաջանում պարզել, թե արդյոք արվեստն ունի միջոցներ, որպեսզի հակադրվի այն մարտահրավերներին, որոնք այսօր ծառանում են մարդկանց առջև։
Փառատոնի կազմակերպիչները համոզված են, որ ինչ֊որ մի հրաշքով այդ հիմնախնդիրը հնարավոր է լուծել արվեստի ուժով։
Այն օպերային ստեղծագործությունները, որոնք ընդգրկվել են կայանալիք փառատոնի ծրագրում, որպես հայելի կարտացոլեն իրենց շավիղից դուրս եկած մեր օրերը։ Դրանք կներկայացվեն տարբեր դիտանկյուններից և կհակադրվեն ներկա սերնդի առջև ծառացած մարտահրավերներին։
Փառատոնի օպերային հատվածի ազդագրում տեղ են գտել 5 բեմադրության և 3 համերգների վերնագրեր, որոնց թվում Հենրի Պերսելլլի «Հնդկացիների թագուհին» օպերան։
Դրամատիկական ծրագրում կներկայացվեն 6 բեմադրություն և մի շարք հատուկ իրադարձություններ (ընթերցումներ, կինոդիտումներ):
Ավելացնենք, որ Զալցբուրգի փառատոնը պլանավորում է ներկայացնել նաև Մաքս Ռեյնհարդտի 150֊ամյակին նվիրված հատուկ ծրագիր, որի մասին առավել մանրամասն կհայտարարվի 2023թ․֊ի գարնանը։
Լուսանկարն՝ ըստ հղման աղբյուրի։