Քաղաքակրթական ներուժը կեցության բարձրագույն արժեք է:

«Արտավազդ» ամենամյա մրցանակները հանձնվեցին թատրոնի միջազգային օրը

03.28.2014

Մարտի 27-ին Երևանի Հակոբ Պարոնյանի անվան պետական երաժշտական թատրոնի դահլիճում կայացավ Հայաստանի թատերական գործիչների միության (ՀԹԳՄ) «Արտավազդ» ամենամյա մրցանակաբաշխությունը:

Անցած մեկ տարում հանրապետության թատերական կյանքում առավել նշանակալից աշխատանքները արժևորող միջոցառումը նվիրված էր հայ մեծանուն ռեժիսոր Հրաչյա Ղափլանյանի ծննդյան 90-ամյակին:

Հանդիսավոր արարողությանը ներկա էին ՀՀ ԱԺ նախագահ Հովիկ Աբրահամյանը, ՀՀ մշակույթի նախարար Հասմիկ Պողոսյանը, պետական և հասարակական կազմակերպությունների տարբեր ներկայացուցիչներ, թատերական գործիչներ, դերասաններ և հրավիրյալ հանդիսատեսներ:

Ներկայացնում ենք սահմանված անվանակարգերում` «Արտավազդ» մրցանակի և ՀԹԳՄ ոսկե մեդալների արժանացածներին.

- Երկրորդ պլանի լավագույն կին դերակատար՝ Արմինե Վերմիշյան, «Չար ոգի» /Ջավահիր/, Վանաձորի Հ. Աբելյանի անվան պետական դրամատիկական թատրոն,
- Երկրորդ պլանի լավագույն տղամարդ դերակատար՝ Իշխան Ղարիբյան, «Մեղրի համը» /Փիթեր/, Երևանի պատանի հանդիսատեսի թատրոն,
- Լավագույն կին դերակատար՝ Շուշան Ղազարյան, «Մեղրի համը» /Էլեն/, Երևանի պատանի հանդիսատեսի թատրոն,
- Լավագույն տղամարդ դերակատար՝ Գագիկ Մադոյան, «Քեռի Վանյա» /Աստրով/, «Համազգային» թատրոն,
- Լավագույն Ռեժիսուրա՝ Լյուդվիգ Հարությունյան, «Առնետները», Գյումրու Վ. Աճեմյանի անվան պետական դրամատիկական թատրոն,
- Լավագույն ներկայացում՝ Հրաչյա Գասպարյան, «Քեռի Վանյա», «Համազգային» թատրոն,
- Գլխավոր դերի դեբյուտ՝
● Նորա Գրիգորյան, «Ամեն ինչ վաճառվում է», /Անուշկա/, Կ. Ստանիսլավսկու անվան ռուսական դրամատիկական թատրոն,
● Վարդան Կուղյանոսյան, «Սիրո զոհեր» /Վանյա Ժվաչկին/, Հ. Պարոնյանի անվան երաժշտական կոմեդիայի թատրոն,
- Լավագույն երիտասարդ դերասանուհի՝
● Մարիամ Ղազանչյան, «Մեղրի համը» /Ջո/, Երևանի պատանի հանդիսատեսի թատրոն,
● Նարինե Պետրոսյան, «Վերջին ծաղրածուն» /Սալլի/, Երևանի Հ. Ղափլանյանի անվան դրամատիկական թատրոն,
- Լավագույն երիտասարդ դերասան՝ Սամվել Դանիելյան, «Մեղրի համը» /Ջեֆ/, Երևանի պատանի հանդիսատեսի թատրոն,
- Լավագույն երիտասարդ բեմադրիչ՝ Գոռ Մարգարյան, «Մեղրի համը», Երևանի պատանի հանդիսատեսի թատրոն,
- Լավագույն երիտասարդական ներկայացում՝ «Մեղրի համը», Գոռ Մարգարյան, Երևանի պատանի հանդիսատեսի թատրոն,
- Լավագույն երաժշտական ձևավորում՝ Վահե Հայրապետյան, «Գազանանոց Մադագասկար»,
- Լավագույն սցենոգրաֆիա՝ Սեդրակ Վելիկոդև, «Առնետները», Գյումրու Վ. Աճեմյանի անվան պետական դրամատիկական թատրոն,
- Թատերարվեստին արժանապատիվ ծառայության համար՝ Ժիրայր Կարապետյան, Արտաշես Հովհաննիսյան, Մանիկ Նահապետյան,
- Հատուկ գլխավոր մրցանակ՝ Հր. Ղափլանյանի անվան հատուկ գլխավոր մրցանակ՝ Երևանի կամերային թատրոնի հիմնադիր Արա Երնջակյանին,
- ՀԹԳՄ ոսկե մեդալ՝ Սամվել Խաղիկյանին, Արմեն Բայանդուրյանին, Վոլոդյա Գրիգորյանին,
- Հատուկ մրցանակ՝ Ռոբերտ Էլիբեկյան /բեմանկարչական վաստակի համար/, Ժիրայր Դադասյան /Տարվա խոշորագույն թատերական նախագիծ՝ Շուշիում, «Արծվաբերդ» օպերայի բեմադրության ռեժիսուրայի համար /,
- Աիդա Սիմոն՝ Գրական ստեղծագործության և պարային պլաստիկ ինքնատիպ մեկնաբանության համար /«Pro Շամիրամ»/ Երևանի Հ. Թումանյանի անվան պետ. Տիկնիկային թատրոն:
    Դիտվել է 1143 անգամ