Քաղաքակրթական ներուժը կեցության բարձրագույն արժեք է:

Տնօրենը դատի է տալու իր ղեկավարած թատրոնի արհմիութենական կազմակերպությանը

03.28.2014

Տագանկայի թատրոնի տնօրեն Վլադիմիր Ֆլեյշերը դատի է տալու մարտի 26-ին Դաշնության խորհրդի ուշադրությանը ներկայացված և պատգամավոր Օլեգ Պանտելեևի կողմից ընթերցված նամակի հեղինակներին, հաղորդում է «izvestia.ru»-ն:

Տնօրենը մտադիր է հայց ներկայացնել թատրոնի արհմիութենական կազմակերպության դեմ՝ իր պատիվն ու արժանապատվությունը պաշտպանելու նպատակով:

Հիշեցնենք, որ Դաշնության խորհրդին ներկայացրած նամակում դերասանները խիստ քննադատել էին իրենց թատրոնի վարած քաղաքականությունը՝ նշելով, որ թատրոնում ի հայտ են եկել ներկայացումներ, որոնք «քարոզում են բռնություն, համասեռամոլություն, մանկապղծություն, սուիցիդ», բացի այդ ներկայացումներում օգտագործվում են Մայդանի աջ ուժերի խորհրդանշանները:
Վլադիմիր Ֆլեյշերը պնդում է, որ այդ մեղադրանքները սուտ են:

Ի դեպ, Ռուսաստանի մշակույթի նախարարությունը թատրոնի շուրջ առաջացած այս աղմուկով հրաժարվել է զբաղվել, քանի որ Տագանկան դաշնային ենթակայության մշակութային օջախ է: Նշենք, որ այդ հարցով չի զբաղվում նաև Մոսկվայի քաղաքապետարանի մշակույթի դեպարտամենտը, որի ենթակայության տակ է գտնվում թատրոնը:
    Դիտվել է 1102 անգամ