Օպերային արտիստները հանդես կգան էստրադայի սարքավորումներով զինված
07.15.2014

Բացօթյա ներկայացվող բեմադրություններում արտիստների կատարումները լսելի դարձնելու համար օգտագործվում են էստրադայի սարքավորումներ: Կազմակերպիչները և արտիստները ստիպված են դիմել այդ միջոցներին:
«Այ սա միկրոֆոն է, ավելի ճիշտ՝ ռադիոմիկրոֆոն: Սրանք մարտկոցներն են,- ներկայացնում է իր տեխնիկական զինանոցը Մարինյան օպերայի մենակատար Ժաննա Դոմբրովսկայան և ավելացնում,- սովորաբար օպերային երգիչները այսպես չեն երգում, սա, անշուշտ, այնքան էլ դուրեկան չի: Բայց սա օպերա չի, այստեղ, բնականաբար ոչ մի ակուստիկա չկա, փչում է քամի և եթե այս ամենը պիտի կատարվի կենդանի, պարզապես ոչինչ չի լսվի»:
«Օպերա բոլորի համար» միջազգային փառատոնի անցած երկու տարիներին մասնակցած հնդիսատեսների թիվը անցել է 40 հազարից: Այն ավանդաբար մեկնարկում է Սուրբ Պետրոսի և Պողոսի տոնի օրը՝ Պետրոպավլովյան ամրոցից: Ինչպես և նախորդ փառատոների ժամանակ, այնպես էլ այս անգամ մեկնարկային ներկայացումը Ռիմսկի-Կորսակովի «Ոսկե աքաղաղ»-ն է, որը փորձագետների կարծիքով ռուս կոմպոզիտորների ստեղծագործությունների մեջ հայրենիքում ամենաշատ սիրվածներից մեկն է:
Ասենք, որ այդ ներկայացման մեջ զբաղված են Պետերբուրգի կոնսերվատորիայի օպերայի և բալետի, ինչպե նաև Մարինյան թատրոնի արտիստները, որոնք հանդես կգան Պետական էրմիտաժի նվագախմբի ուղեկցությամբ՝ դիրիժոր՝ Ֆաբիո Մաստրանջելոյի ղեկավարությամբ: