Քաղաքակրթական ներուժը կեցության բարձրագույն արժեք է:

«Կրակե օղակ»-ի ժամանակակից ելևեջները հինավուրձ Շուշիում

09.03.2014

Նախօրեին՝ Սեպտեմբերի 2-ին, Շուշիում իրականացվել է հետաքրքիր ձևաչափի թատերական ներկայացման պրեմիերա: Հանդիսատեսին է ներկայացվել Անդրեյ Բաբաևի ,,Արծվաբերդ,, և ծնունդով շուշեցի կոմպոզտոր Ավետ Տերտերյանի նախագծերի հիման վրա բեմականացված ,,Կրակե օղակ,, օպերան:

Նախագիծն իրականություն է դարձել ՀՀ նախագահի տիկին Ռիտա Սարգսյանի բարձր հովանավորությամբ: Լրատվամիջոցների հետ զրույցի ընթացքում ՀՀ առաջին տիկինը նշել է, որ ինքը հպարտ է, որ Շուշիում իրականացվում է մի այսպիսի հիանալի նախագիծ: ,,Ես հպարտ եմ, որ Շուշին ամեն տարի այս օրը հավաքում է տարբեր ճաշակների, տարբեր հայացքների մարդկանց... Եվ եթե Շուշին է նրանց միավորում, ապա ես երջանիկ եմ,, ,-նշել է Ռիտա Սարգսյանը:

1967 թ.-ին գրված այս ստեղծագործությունն այսօր էլ պահպանում է իր արդիականությունը: Ինչպես նշել է Արցախի հեռուստատեսությանը տված իր հարցազրույցում ՀՀ նախագահի խորհրդական, կոմպոզիտոր Արմեն Սմբատյանը. ,,Ինձ համար նորություն է, որ կարելի է այսպիսի բան կազմակերպել Շուշիում: Ժամանակակից երաժշտություն, ժամանակակից մտածելակերպ, Ավետ Տերտերյան, բալետ, մենակատարներ, նվագախումբ... Ես կարծում եմ, որ մենք կարող ենք հպարտանալ...,,:

Կամերային օպերայի ժանրի այս ստեղծագործության մասին խոսելիս ռուս հայտնի օպերային երգչուհի Լյուբով Կազանովսկայան նշել է, որ ,,...այսպիսի նախագծերը մեղմացնող ուժ ունեն: Այստեղ պետք չեն երկար բացատրություններ: Դա սրտից և հոգուց բխող զրույց է...,,:

,,Կրակե օղակ,, օպերայի բեմադրությունն իրականացրել է Սերինե Ավթանդիլյանը:
    Դիտվել է 2606 անգամ