Դոնատաս Բանիոնիսին կհուղարկավորեն Վիլնյուսում
09.05.2014

Շաբաթ օրը դերասանի մարմինը կդիակիզվի, իսկ կիրակի՝ աճյունասափորը կդրվի Պանևիժիսի թատրոնում, որտեղ Բանիոնիսը սկսել է իր դերասանական կարիերան և երկար տարիներ աշխատել: Հոգեհանգիստը կկայանա երկուշաբթի օրը՝ Վիլնյուսում:
Դոնատաս Բանիոնիսը մահացել է Վիլնյուսում, սեպտեմբերի 4-ին, կյանքի 91-րդ տարում: Վերջին տարիներին նա տառապում էր սրտի հիվանդությունից:
Արտիստը ծնվել է 1924թ.-ին, Կաունասում: Պատանեկությունից սկսել է խաղալ սիրողական բեմադրություններում: 1944թ.-ին ավարտել է Պանևիժիսի թատրոնին կից ստուդիան: Այս թատրոնի բեմում դերասանը խաղացել է ավելի քան 100 դեր, իսկ 1980-1988թթ. եղել է այդ թատրոնի գլխավոր ռեժիսորը:
Կինոյում Բանիոնիսը իր դեբյուտը կատարել է1959թ.-ին: Նրան հռչակ են բերել Անդրեյ Տարկովսկու ,,Սոլյարիս,, , Սավվա Կուլիշի ,,Մեռյալ սեզոն,, և այլ կինոնկարները: Կինոյում նա մարմնավորել է ավելի քան 50 կերպար: 1974 թ.-ին նրան շնորհվել է ԽՍՀՄ ժողովրդական արտիստի կոչում: