«Լոգտիոնիստները» սարսափի մեջ են պահում «Լա Սկալայում» ելույթ ունեցող երգիչներին 09.29.2014
Ֆրանսիացի հայտնի տենոր Ռոբերտո Ալանյան, հրաժարվել է այս աշուն ելույթ ունենալ Միլանի «Լա Սկալա» թատրոնում, որտեղ նա պիտի հանդես գար Ժյուլ Մասնեի «Վերթեր» օպերայում: Այդ մասին հաղորդում է «taglur.am»-ը՝ հղում անելով «teatral-online.ru»-ին:
Պատճառն այն է, որ այդ թատրոնից արտիստի մեջ մնացել են վատ հուշեր և այդ հանգամանքը նա չի թաքցնում, քանի որ անհանգիստ է, որ այնտեղ նորից կկրկնվի 8-ամյա վաղեմություն ունեցող աղմուկի պես մի բան, որը ունեցավ նաև հասարակական արձագանք:
Իսկ պատճառը «Լա Սկալա»-յի հանդիսատեսներն էին, ավելի ճիշտ թատրոնի այն մշտական հանդիսատեսները, ովքեր սովորաբար զբաղեցնում են վերնասրահի ամենից էժան տեղերը:
Վերնասրահներ (պատշգամբներ) կան բոլոր օպերային թատրոններում, սակայն միայն Միլանի այդ նշանավոր օպերային թատրոնում են դրանցում տեղավորվող հանդիսատեսներն իրենց դրսևորում ավելի կատաղի, քան, օրինակ,այդ երկրի ֆուտբոլային տաքարյուն երկրպագուները: Նրանց Իտալիայում անվանում են «լոգտիոնիստներ»: Նրանք օպերայի լավ գիտակներ են և երբեք հանդուրժող վերաբերմունք չեն դրսևորում երգչի կամ նվագախմբի կողմից արտաբերված կեղծ նոտայի նկատմամբ: Այսօր «լոգտիոնիստ»-ը վերածվում է հանդիմանական տերմինի:
Ռոբերտո Ալանյան «լոգտիոնիստներ»-ի կամ ինչպես նրանց լրագրողներն են անվանում «ֆշշացող խուլիգաններ»-ի հետ առնչվել է 2006թ.-ի դեկտեմբերին, երբ կատարում էր Ռադամեսի դերը «Աիդա» օպերայում: Հիմա շատերը չեն հիշում այդ աղմուկի մասին, սակայն այդ օրը վերնասրահը բարձր սուլել է ֆրանսիացի երգչի ելույթը: Վերջինս վիրավորվել և հեռացել էր: Իսկ նրան փոխարինող երգիչը, ով չէր հասցրել հագուստները փոխել, ներկայացման մնացած հատվածում հանդես էր եկել ջինսե տաբաթով, սպորտային կոշիկներով և վերնազգեստով:
Նշենք, որ այդ սկանդալային ներկայացմանը ներկա էին նաև Իտալիայի բարձր հասարակության բազմաթիվ ներկայացուցիչներ, այդ թվում երկրի այն ժամանակվա վարչապետ Ռոմանո Պրոդին և Գերմանիայի կանցլեր Անգելա Մերկելը:
Դեպքից հետո ծագումով իտալացի ֆրանսիացի երգիչը հայտարարել էր որ այլևս ինքը ոտք չի դնի «Լա Սկալա»: Այդ խոստումը նա պահպանեց 7 տարի, սակայն այս թատերաշրջանում նա կարծես տեղի է տվել: Չէ՞ որ խոսքը ոչ թե ինչ-որ գավառային թատրոնի, այլ «Լա Սկալա»-յի մասին է:
Ռոբերտո Ալանյայի հրաժարականը հիասթափեցրել է Միլանի թատրոնի ղեկավարներին: Այդ մասին «Լա Սկալա»-յի պաշտոնական կայքում գրել է թատրոնի նոր տնօրեն Պերեյրան, ով խնդրել է «լոգտիոնիստներին» իրենց հանգիստ պահել ( ի դեպ, այսպիսի խնդրանքները նորություն չեն «Լա Սկալա»-յի համար):
Սակայն, իրեն բոլորովին այլ կերպ է դրսևորել «լոգտիոնիստների» առաջնորդ Ջինո Վեչիչինին: Նա նշանավոր տենորի Միլանի օպերայում ելույթ ունենալուց հրաժարվելը որակել է որպես «մանկամտություն»:
Ալանյան առաջին երգիչը չի, որի ինքնասիրությանը դիպել են «Լա Սկալա»-յի վերնասրահի աղմկարարները: Օրինակ, 2012թ.-ի դեկտեմբերին լեհ տենոր Պետեր Բեչելան երդվել է այլևս հանդես չգալ Իտալիայում: Նա «Լա Սկալա»-յի «լոգտիոնիստների» բարձրացրած աղմուկը «ճաշակել է», երբ հանդես էր գալիս «Տրավիատայում»: Թեև հետո նա սթափվեց և համաձայնեց շարունակել թատրոնի հետ իր պայմանագրային պարտավորությունների կատարումը:
Նշենք, որ «լոգտիոնիստների» աղմուկը վերնասրահից լսվել է նաև իտալացի սոպրանո Կատո Ռիչչիարելիի մի ելույթի ժամանակ: Դրանից չի խուսափել անգամ Մեծն Լուչիանո Պավարոտտին: «ֆշշացող խուլիգաններ»-ը իրենց բնորոշ աղմուկով նրա նկատմամբ դժգոհությունն արտահայտել են 1992 թ.-ին, երբ երգիչը հանդես էր գալիս Վերդիի «Դոն Կառլոսում»:
Այս երևույթի մասին արտահայտվելով Լոնդոնի «Քավենթ Գարդեն»-ի երաժշտական տնօրեն, դիրիժոր Անտոնիո Պապպանոն ասել է. «Նրանցից միշտ վախենում են, սակայն կյանքը չափազանց կարճ է, որպեսզի այն ծախսես այդպիսի մանրուքների մասին մտածելով: Ես աշխատասեր եմ: Ես անում եմ իմ գործը և հուսով եմ, որ դա կգնահատվի»:
Ֆրանսիացի հայտնի տենոր Ռոբերտո Ալանյան, հրաժարվել է այս աշուն ելույթ ունենալ Միլանի «Լա Սկալա» թատրոնում, որտեղ նա պիտի հանդես գար Ժյուլ Մասնեի «Վերթեր» օպերայում: Այդ մասին հաղորդում է «taglur.am»-ը՝ հղում անելով «teatral-online.ru»-ին:
Պատճառն այն է, որ այդ թատրոնից արտիստի մեջ մնացել են վատ հուշեր և այդ հանգամանքը նա չի թաքցնում, քանի որ անհանգիստ է, որ այնտեղ նորից կկրկնվի 8-ամյա վաղեմություն ունեցող աղմուկի պես մի բան, որը ունեցավ նաև հասարակական արձագանք:
Իսկ պատճառը «Լա Սկալա»-յի հանդիսատեսներն էին, ավելի ճիշտ թատրոնի այն մշտական հանդիսատեսները, ովքեր սովորաբար զբաղեցնում են վերնասրահի ամենից էժան տեղերը:
Վերնասրահներ (պատշգամբներ) կան բոլոր օպերային թատրոններում, սակայն միայն Միլանի այդ նշանավոր օպերային թատրոնում են դրանցում տեղավորվող հանդիսատեսներն իրենց դրսևորում ավելի կատաղի, քան, օրինակ,այդ երկրի ֆուտբոլային տաքարյուն երկրպագուները: Նրանց Իտալիայում անվանում են «լոգտիոնիստներ»: Նրանք օպերայի լավ գիտակներ են և երբեք հանդուրժող վերաբերմունք չեն դրսևորում երգչի կամ նվագախմբի կողմից արտաբերված կեղծ նոտայի նկատմամբ: Այսօր «լոգտիոնիստ»-ը վերածվում է հանդիմանական տերմինի:
Ռոբերտո Ալանյան «լոգտիոնիստներ»-ի կամ ինչպես նրանց լրագրողներն են անվանում «ֆշշացող խուլիգաններ»-ի հետ առնչվել է 2006թ.-ի դեկտեմբերին, երբ կատարում էր Ռադամեսի դերը «Աիդա» օպերայում: Հիմա շատերը չեն հիշում այդ աղմուկի մասին, սակայն այդ օրը վերնասրահը բարձր սուլել է ֆրանսիացի երգչի ելույթը: Վերջինս վիրավորվել և հեռացել էր: Իսկ նրան փոխարինող երգիչը, ով չէր հասցրել հագուստները փոխել, ներկայացման մնացած հատվածում հանդես էր եկել ջինսե տաբաթով, սպորտային կոշիկներով և վերնազգեստով:
Նշենք, որ այդ սկանդալային ներկայացմանը ներկա էին նաև Իտալիայի բարձր հասարակության բազմաթիվ ներկայացուցիչներ, այդ թվում երկրի այն ժամանակվա վարչապետ Ռոմանո Պրոդին և Գերմանիայի կանցլեր Անգելա Մերկելը:
Դեպքից հետո ծագումով իտալացի ֆրանսիացի երգիչը հայտարարել էր որ այլևս ինքը ոտք չի դնի «Լա Սկալա»: Այդ խոստումը նա պահպանեց 7 տարի, սակայն այս թատերաշրջանում նա կարծես տեղի է տվել: Չէ՞ որ խոսքը ոչ թե ինչ-որ գավառային թատրոնի, այլ «Լա Սկալա»-յի մասին է:
Ռոբերտո Ալանյայի հրաժարականը հիասթափեցրել է Միլանի թատրոնի ղեկավարներին: Այդ մասին «Լա Սկալա»-յի պաշտոնական կայքում գրել է թատրոնի նոր տնօրեն Պերեյրան, ով խնդրել է «լոգտիոնիստներին» իրենց հանգիստ պահել ( ի դեպ, այսպիսի խնդրանքները նորություն չեն «Լա Սկալա»-յի համար):
Սակայն, իրեն բոլորովին այլ կերպ է դրսևորել «լոգտիոնիստների» առաջնորդ Ջինո Վեչիչինին: Նա նշանավոր տենորի Միլանի օպերայում ելույթ ունենալուց հրաժարվելը որակել է որպես «մանկամտություն»:
Ալանյան առաջին երգիչը չի, որի ինքնասիրությանը դիպել են «Լա Սկալա»-յի վերնասրահի աղմկարարները: Օրինակ, 2012թ.-ի դեկտեմբերին լեհ տենոր Պետեր Բեչելան երդվել է այլևս հանդես չգալ Իտալիայում: Նա «Լա Սկալա»-յի «լոգտիոնիստների» բարձրացրած աղմուկը «ճաշակել է», երբ հանդես էր գալիս «Տրավիատայում»: Թեև հետո նա սթափվեց և համաձայնեց շարունակել թատրոնի հետ իր պայմանագրային պարտավորությունների կատարումը:
Նշենք, որ «լոգտիոնիստների» աղմուկը վերնասրահից լսվել է նաև իտալացի սոպրանո Կատո Ռիչչիարելիի մի ելույթի ժամանակ: Դրանից չի խուսափել անգամ Մեծն Լուչիանո Պավարոտտին: «ֆշշացող խուլիգաններ»-ը իրենց բնորոշ աղմուկով նրա նկատմամբ դժգոհությունն արտահայտել են 1992 թ.-ին, երբ երգիչը հանդես էր գալիս Վերդիի «Դոն Կառլոսում»:
Այս երևույթի մասին արտահայտվելով Լոնդոնի «Քավենթ Գարդեն»-ի երաժշտական տնօրեն, դիրիժոր Անտոնիո Պապպանոն ասել է. «Նրանցից միշտ վախենում են, սակայն կյանքը չափազանց կարճ է, որպեսզի այն ծախսես այդպիսի մանրուքների մասին մտածելով: Ես աշխատասեր եմ: Ես անում եմ իմ գործը և հուսով եմ, որ դա կգնահատվի»:
 28.11.jpg)
.jpg)
