«Հայ ֆեստ»-ը նախկին ԽՍՀՄ տարածքում գլխավոր փառատոներից մեկն է10.09.2014
«Հայ ֆեստ-2014»-ը հանդիսատեսների մասնակցությամբ, ներկայացումների գեղարվեստական մակարդակով, դերասանների ներկայացուցչական կազմով նոր որակական մակարդակ էր այս թատերական միջազգային փառատոնի տարեգրության մեջ: Այդ մասին այսօր կայացած մամլո ասուլիսում ասաց «Հայ ֆեստ»-ի նախագահ Արթուր Ղուկասյանը:
Նրա ասելով երևանյան միջոցառման ժամանակ կայացան 4 ներկայացումների համաշխարհային պրիեմերաներ՝ «Խելագարի հիշատակարանը» (Մեծ Բրիտանիա), «Ջուրը գդալ-գդալ» (Հայաստան-ԱՄՆ), «Ճանճը» (Հայաստան) և «Հ.Գ.» (Ֆինլանդիա):
«Մենք այս տարի ունեցանք նաև տարբեր ժանրեր ներկայացնող հիանալի հայկական ծրագիր: Ամենաուրախալին այն է, որ երկու ներկայացումներ պատրաստվել էին հիմնականում առաջին կուրսում սովորող ուսանողների ուժերով և բոլորի գնահատմամբ ունեին շատ բարձր մակարդակ»,- նշեց փառատոնի նախագահը և ընդգծեց, որ ինքը նկատի ունի «Համլետը» և այս տարվա հիթը դարձած «Թմկաբերդի առումը» ներկայացումները:
Հիշատակելով, որ «Հայ ֆեստ-2014»-ը կրում էր «Փառատոնային իրարանցում» խորագիրը, Արթուր Ղուկասյանը նաև մեկնաբանեց այն հայեցակարգը, որով կառուցվում են ներկայացումները հանդիսատեսին ցուցադրելու մոտեցումները:
«Այստեղ չես տեսնի բուրժուական թատրոն, երբ դու գալիս ես մեծ զգացմունքներ ստանալու ակնկալիքներով»,-նշեց փառատոնի նախագահը՝ հանգամանորեն ներկայացնելով «բուրժուական թատրոն»-ի այն բնորոշիչները, որտեղ առաջնային է հանդիսատեսի սանրվածքը, հագուկապը, պահվածքը և այլն:
«Հայ ֆեստի» գլխավոր խնդիրներից մեկը հանդիսատես-բեմ կապի սերտաճումն է, նրանց առավելագույն ինտեգրումը, դերասան-հանդիսատես հաղորդակցման այնպիսի աստիճանին հասնելը, երբ այդ երկու կողմերը հայտնվում են նույն հոգեմտավոր տարածքում, դառնում մեկ ամբողջություն:
2014 թ.-ի հոկտեմբերի 1-8-ը կայացած «Հայ ֆեստ» միջազգային փառատոնը թվով 12-րդն էր: Այս միջոցառումն առաջին անգամ անցկացվել է 2003 թ.-ին: Ըստ որոշ գնահատականների, սկսած 2006 թ.-ից, «Հայ ֆեստ»-ը գլխավոր թատերական փառատոներից մեկն է նախկին ԽՍՀՄ տարածքում:
«Հայ ֆեստ-2014»-ը հանդիսատեսների մասնակցությամբ, ներկայացումների գեղարվեստական մակարդակով, դերասանների ներկայացուցչական կազմով նոր որակական մակարդակ էր այս թատերական միջազգային փառատոնի տարեգրության մեջ: Այդ մասին այսօր կայացած մամլո ասուլիսում ասաց «Հայ ֆեստ»-ի նախագահ Արթուր Ղուկասյանը:
Նրա ասելով երևանյան միջոցառման ժամանակ կայացան 4 ներկայացումների համաշխարհային պրիեմերաներ՝ «Խելագարի հիշատակարանը» (Մեծ Բրիտանիա), «Ջուրը գդալ-գդալ» (Հայաստան-ԱՄՆ), «Ճանճը» (Հայաստան) և «Հ.Գ.» (Ֆինլանդիա):
«Մենք այս տարի ունեցանք նաև տարբեր ժանրեր ներկայացնող հիանալի հայկական ծրագիր: Ամենաուրախալին այն է, որ երկու ներկայացումներ պատրաստվել էին հիմնականում առաջին կուրսում սովորող ուսանողների ուժերով և բոլորի գնահատմամբ ունեին շատ բարձր մակարդակ»,- նշեց փառատոնի նախագահը և ընդգծեց, որ ինքը նկատի ունի «Համլետը» և այս տարվա հիթը դարձած «Թմկաբերդի առումը» ներկայացումները:
Հիշատակելով, որ «Հայ ֆեստ-2014»-ը կրում էր «Փառատոնային իրարանցում» խորագիրը, Արթուր Ղուկասյանը նաև մեկնաբանեց այն հայեցակարգը, որով կառուցվում են ներկայացումները հանդիսատեսին ցուցադրելու մոտեցումները:
«Այստեղ չես տեսնի բուրժուական թատրոն, երբ դու գալիս ես մեծ զգացմունքներ ստանալու ակնկալիքներով»,-նշեց փառատոնի նախագահը՝ հանգամանորեն ներկայացնելով «բուրժուական թատրոն»-ի այն բնորոշիչները, որտեղ առաջնային է հանդիսատեսի սանրվածքը, հագուկապը, պահվածքը և այլն:
«Հայ ֆեստի» գլխավոր խնդիրներից մեկը հանդիսատես-բեմ կապի սերտաճումն է, նրանց առավելագույն ինտեգրումը, դերասան-հանդիսատես հաղորդակցման այնպիսի աստիճանին հասնելը, երբ այդ երկու կողմերը հայտնվում են նույն հոգեմտավոր տարածքում, դառնում մեկ ամբողջություն:
2014 թ.-ի հոկտեմբերի 1-8-ը կայացած «Հայ ֆեստ» միջազգային փառատոնը թվով 12-րդն էր: Այս միջոցառումն առաջին անգամ անցկացվել է 2003 թ.-ին: Ըստ որոշ գնահատականների, սկսած 2006 թ.-ից, «Հայ ֆեստ»-ը գլխավոր թատերական փառատոներից մեկն է նախկին ԽՍՀՄ տարածքում:
