Քաղաքակրթական ներուժը կեցության բարձրագույն արժեք է:

Մրցանակներից անմասն չեն մնացել նաև ներկայացման գլխավոր դերակատարները

02.12.2016

Իր աղմկահարույց ներկայացումներով հայտնի ռուսաստանցի ռեժիսոր Կոնստանտին Բոգոմոլովը Դոստոևսկու «Ապուշը» հայտնի վեպի հիման վրա բեմադրություն կպատրաստի «Լենկոմ» թատրոնում: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Ներկայացման պրեմիերան նախատեսված է ապրիլի 14-ին: Ներկայացման մեջ զբաղված դերասաններից հիշատակվում են Ալեքսանդր Սիրինը, Ալեքսանդր Զբրուևը, Ելենա Շամինան, Վիկտոր Վերժբիցկին:

Թատրոնում նաև տեղեկացրել են, որ «Լենկոմ»-ում 2014 թ.-ին Բոգոմոլովի բեմադրած «Բորիս Գոդունով» առաջին ներկայացումը իրադարձային նշանակություն է ունեցել: Նաև նշել են, որ Պուշկինի ստեղծագործության բոգոմոլովյան ընթերցումը միշտ անցնում է լեփ-լեցուն դահլիճում: Այդ ներկայացումը արժանացել է բազմաթիվ թատերական փառատոների մրցանակների, որոցից անմասն չեն մնացել նաև ներկայացման գլխավոր դերակատարները՝ Ալեքսանդր Զբրուևը և Մարիա Միրոնովան:

Կոնստանտին Բոգոմոլովը ակտիվորեն համագործակցում է Մոսկվայի շատ թատրոնների հետ: Նրան մեծ համբավ են բերել Չեխովի անվան գեղարվեստական թատրոնում (МХТ-ում) իրականացված բեմադրությունները, որոնցից են. «Իրադարձություն» (ըստ Նաբոկովի),, «Իդեալական ամուսինը» (Ըստ Օսկար Ուայլդի), «Կարամազովները» (ըստ Դոստոևսկու), հատուկ МХТ –ի գեղարվեստական ղեկավար Օլեգ Տաբակովի 80-ամյա հոբելյանի առթիվ ստեղծված «Ոսկերիչի հոբելյանը» ներկայացումները: Վերջերս նա այս թատրոնում իրականացրել է նոր «Հրացանակիրները» ներկայացման բեմադրությունը, բացի այդ, 8 այլ ներկայացումներ էլ կյանքի է կոչել Օլեգ Տաբակովի ղեկավարած թատրոնում: Բոգոմոլովը նաև աշխատել է Ազգությունների թատրոնում և այնտեղ հանդիսատեսի դատին է հանձնել «Գարգանտուան և Պանտագրուելը» ներկայացումը:
    Դիտվել է 871 անգամ