Քաղաքակրթական ներուժը կեցության բարձրագույն արժեք է:

Այսօր կկայանա տնային կալանքի մեջ գտնվող Սերեբրեննիկովի «Նուրեև» բալետի պրեմիերան

12.09.2017

Այսօր, դեկտեմբերի 9-ին, Ռուսաստանի Մեծ թատրոնում հայտարարված է, որ կկայանա «Նուրեև» բալետի առաջին պրեմիերային ցուցադրությունը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Նախօրեին, ուրբաթ օրը կայացած մամլո ասուլիսում թատրոնի գլխավոր տնօրեն Վլադիմիր Ուրինը ցավ էր հայտնել, որ «... իրենց խնդրանքը, որպեսզի Սերեբրեննիկովը փորձերին մասնակցելու հնարավորություն ունենա, մնացել է անպատասխան»:

Հիշեցնենք, որ Մեծ թատրոնում «Նուրեև» բալետի բեմադրությունը պատրաստում էր «Գոգոլ կենտրոն» թատրոնի գեղարվեստական ղեկավար Կիրիլ Սերեբրեննիկովը (նա նաև լիբրետոյի և սցենոգրաֆիայի հեղինակն է), որն այսօր դատարանի որոշմամբ գտնվում է տնային կալանքում:

Կիսատ մնացած աշխատանքը ավարտին է հասցրել բեմադրական աշխատանքների նրա գործընկերը՝ խորեոգրաֆ Յուրի Պոսոխովը:

Նախատեսված է, որ վաղը՝ դեկտեմբերի 10-ին թատրոնը կցուցադրի ևս մեկ պրեմիերային ներկայացում, իսկ հաջորդ անգամ այն նախատեսվում է Մեծ թատրոնի բեմ բարձրացնել 2018թ.-ի մայիսին:

«Նուրեև» բալետը ներկայացնում է 20-րդ դարի նշանավոր պարողներից մեկի՝ Ռուդոլֆ Նուրեևի կյանքը: 2017թ.-ի հուլիսին նշանակված պրեմիերան ցուցադրությունից երեք օր առաջ չեղյալ համարվեց: Թատրոնի ղեկավարությունը պնդում էր, որ այն դեռ պատրաստ չէր:

Ըստ բրիտանական BBC ծառայության հետաձգման վարկածներից մեկն էլ այն է, որ բալետում նկատել են համասեռականության քարոզ:

«Ներկայացումը, անխոս, ինչ-որ մարդկանց վիճահարույց կթվա, մեկին կթվա հաճելի, մյուսին տհաճ, բայց ես կարծում եմ, որ, այնուամենայնիվ, մենք զբաղվում ենք արվեստով: Եվ արվեստը պետք է բարձրացնի այն հիմնախնդիրները և հարցերը, որոնք գոյություն ունեն հասարակության մեջ»,- ասել է Ուրինը:

Բալետի ամառային պրեմիերայի չեղյալ համարվելու վարկածներից մեկն էլ կապվում է պետական ֆինանսների հափշտակման և այդ հարցով ռեժիսորի նկատմամբ հարուցված քրեական գործի հետ:

Սերեբրեննիկովն իրեն վերագրվող մեղքերը չի ընդունում: Նա տնային կալանքի մեջ է գտնվում 2017թ.-ի օգոստոսից:

Ավելացնենք, որ Ռուդոլֆ Նուրեևի պարտիան կատարող Վլադիսլավ Լանդրատովի ասելով Այս պայմաններում անգամ Կիրիլ Սերեբրեննիկովն, այնուամենայնիվ , դուրս չի մնացել բալետի բեմադրության գործընթացից և վերահսկում է փորձերը: «Նա տալիս է ինչ-որ մեկնաբանություններ»,- ասել է Լանդրատովը:



Այս թեմայով այլ հղումներ-1
    Դիտվել է 1176 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396>>հաջորդ
    Մշակութային տեղեկատվությանն օժանդակելը սոցիալական գործընկերության աստվածահաճո ձև է:
    Աջակցությունը «Թագլուրին» կօգնի կատարելագործվել և շարժվել իր 2֊րդ տասնամյակին ընդառաջ․․․
    5175965000509119
    Արխիվ ըստ ամիսների