Քաղաքակրթական ներուժը կեցության բարձրագույն արժեք է:

«12-րդ գիշերվա» նոր վարկածը հաջողվել է

02.02.2018


2018թ.-ի փետրվարին Շեքսպիրի հայրենի Սթրաթֆորդ Էյվոնի վրա քաղաքում հանդիսատեսները կդիտեն պրեմիերային թատերական ներկայացումներ: Արքայական շեքսպիրյան թատրոնը կներկայացնի «12-րդ գիշերվա» նոր վարկած: Այդ մասին «tvkultura.ru»-ի տեղեկատվությունը փոխանցում է «taglur.am»-ը:

Անպատասխան սիրո մասին կատակերգությունը բեմադրելու համարձակությունը ստանձնել է բրիտանացի դերասան և ռեժիսոր Քրիսթոֆեր Լասքոմբը: Սա այս բեմահարթակում նրա երրորդ բեմադրությունն է:

Ներկայացման մեջ զբաղված դերասանները խոստովանել են, որ Շեքսպիրի այդ պիեսը բեմադրելու գաղափարն իրենց մեջ վախ էր առաջացնում: Նրանք նշել են, որ դեռևս 1955թ.-ին Վիվիեն Լիի և Լոուրենս Օլիվյեի գլխավոր դերակատարմամբ ստեղծված բեմադրությունը գերազանցելը իրենց շատ դժվար էր թվում: Սակայն ներկայացման մասին առաջին արձագանքները խոսում են այն մասին, որ նրանց ռիսկը արդարացված է: Բոլորը այն կարծիքն են արտահայտում, որ «12-րդ գիշերվա» նոր վարկածը հաջողվել է:
    Դիտվել է 879 անգամ