Քաղաքակրթական ներուժը կեցության բարձրագույն արժեք է:

Վախեցել է, վախենում է նաև հիմա, բայց պետք է անի...

02.16.2018


Մոսկվայի «Լենկոմ» թատրոնի գեղարվեստական ղեկավար Մարկ Զախարովը երկու օր առաջ, փետրվարի14-ին, հանդիսատեսի դատին է ներկայացրել «Ֆալստաֆը և Ուելսի արքայազնը» ֆարսը, որը շեքսպիրյան ողբերգությունների և կատակերգությունների թեմաներով ստեղծված բեմադրություն է: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Այս ֆարս-կատակերգությունը ըստ ռեժիսորի մեկնաբանության «վախթանգովյան թատրոնի «Ոչնչից մեծ աղմուկ» հայտնի ներկայացման շարունակությունն է», որի հիմքում կատակերգական իրավիճակներ են: Իրադարձությունների կենտրոնում երկու գլխավոր գործող անձինք են Ֆալստաֆը և Ուելսի արքայազնը: Ներկայացման մեջ Ֆալստաֆը շարունակում է հայտնի կատակասեր հերոսի՝ ծաղրածուի ավանդույթները, իսկ Ուելսի արքայազնի հետ տեղի է ունենում ողբերգական մետամորֆոզներ:

Լեգենդար ռեժիսորը այս թեմային անդրադառնալը բացատրել է այն հանգամանքով, որ «... անհրաժեշտ է գոնե մեկ անգամ, «կենսագրության համար» առնչվել Շեքսպիրին...»: Նա նաև խոստովանել է, համենայնդեպս, ինքն «ամբողջ ժամանակ» վախեցել է, վախենում է նաև հիմա, բայց պետք է անի...

Երբ այս ներկայացման առաջին ընթերցումը պիտի տեղի ունենար, Մարկ Զախարովն իր արտիստներին ասել է. «Լուրջ թատրոնի խաղացանկում, անշուշտ պետք է լինի Շեքսպիր... Ես վախ ունեմ առաջին բառերի հանդեպ, բայց, այնուամենայնիվ, ես կասեմ մեզ, որ Մոսկվայի «Լենկոմ» թատրոնի այս տաղանդավոր խումբը խաղում է Շեքսպիր: Իսկ թե ինչպես նրանք կձևակերպեն իրենց կերպարները ռուսական խաղացանկային թատրոնի ավանդներին համապատասխան, մենք այդ կանենք ընթացքից, բոլորով, միասին: Ես, անշուշտ, ունեմ իմ առաջարկները, որոնք պետք է հարստացվեն ձեր իմպրովիզներով, խոհերով, մտքերով»:
    Դիտվել է 919 անգամ