Քաղաքակրթական ներուժը կեցության բարձրագույն արժեք է:

Հանդիպումը տեղի է ունենում ոչ թե գնացքում, այլ... ֆիթնես-ակումբում

03.23.2018


Այսօր՝ մարտի 23-ի երեկոյան, նշանավոր խորեոգրաֆ Ջոն Նոյմայերը Ռուսաստանի Մեծ թատրոնում կներկայացնի իր նոր բեմադրությունը, որը մասնագետների գնահատմամբ կարելի է ընկալել որպես ժամանակակից կյանքի հայելի՝ ներկայացված դասական ստեղծագործության հիմքի վրա: Այդ մաին տեղկացնում է «taglur.am»-ը՝ հղում անելով «tvkultura.ru»-ին:

Լև Տոլստոյի հանրահայտ ստեղծագործությունը Նոյմայերը խտացրել և տեղավորել է 2 ժամի մեջ: Նա իր ներկաացման մեջ գերակայությունը տվել է ոչ թե գրքին, այլ այն մտքերին և զգացմունքներին, որոնք առաջանում են այն ընթերցելուց հետո: Խորեոգրաֆը իր հերոսներին ոչ թե քննարկում, այլ նրանց հետ ապրում է, ցավակցում և այս նախագծի մեջ տեսնում է հատուկ առաքելոթյուն:

Տոլստոյը գրել է իր ժամանակակցների մասին: Նոյմայերը բեմադրում է այսօրվա հանդիսատեսի համար: Ներկայացում, որտեղ կա 27 տեսարան ժամանակակից Ռուսաստանի մասին:

Կերպարները ճանաչելի են: Կարենինը կարծես ժամանակակից քաղաքական գործիչներից արտագրված կերպար լինի, որոնք ինտրիգներ են մտածում, հայտարարում օրենքներ և կառուցում կարիերա: Քիչ դեկլարատիվություն և շատ պար: Նայմայերի ոճը պլաստիկայի առումով զուսպ է, լակոնիկ: Շատ են աջակցումները և ցատկերը:

Իրենց պատմությունը հերոսները հյուսում են Չայկովսկու և Շնիտկեի երաժշտության ներքո: Եվ մի փոքրիկ նկատառում ևս:

Աննա Կարենինայի և Վրոնսկու հանդիպումը տեղի է ունենում ոչ թե գնացքում, այլ... ֆիթնես-ակումբում: Մնացածը, ինչպես ասում են, ըստ տեքստի է՝ կիրք, կասկածներ, հուսահատություն, մահ...

Ջոն Նոյմայերի Աննա Կարենինան տարբերվում է իր նախորդներից, թեև նույնքան գայթակղիչ է, որքան նրանք:






Լուսանկարն՝ ըստ հղման աղբյուրի:
    Դիտվել է 905 անգամ