Քաղաքակրթական ներուժը կեցության բարձրագույն արժեք է:

Բոլորի համար պար ստեղծելու նպատակով

03.26.2018


Անցյալ շաբաթվա վերջին, մարտի 24-ին և 25-ին, Մոսկվայում, «ԶԻԼ» մշակութային կենտրոնում Գյոթե-ինստիտուտի օժանդակությամբ կայացել է «Կոնստրուկտորից մինչև կոնստրուկտիվիզմ» ռուս-գերմանակն հիփ-հոփ փերֆորմենսի համաշխարհային պրեմիերան: Այդ մասին տեղեկացնում է «taglur.am»-ը՝ հղում անելով «colta.ru»-ին:

Ներկայացման վերնագիրը արտացոլում է Շինարարության և գեղարվեստական կառուցվածքի Գերմանական Բաուհաուզի բարձրագույն դպրոցի փիլիսոփայությունը շարժման մեջ մարմնավորող նոր խորեագրաֆիկական ոճը: Այդ ոճը ծնվել է Մոսկվայում գործող Գյոթե-ինստիտուտում անցկացված վարպետաց դասերի որոշակի շարք անցկացնելու արդյունքում:

Բեմադրության հեղինակներ, խորեոգրաֆ Storm-ի (Նիլս Ռոբիցկի) և «Ռուսական FarFor» պարային ընկերության ղեկավար Banzay-ի հիմնական նպատակը եղել է ստեղծել պար բոլորի համար՝ դրանում օգտագործելով այն ավանգարդիստական շարժումները, որոնք Բաուհաուզի բարձրագույն դպրոցը կիրառել է 20-րդ դարի սկզբներին և դրանք տրանսֆորմացրել որպես պարային «պա»-ի հաջորդական շարժումներ:

Ներկայացման ձայնային մասը հորինել է բիթմեյքեր Max Detal-ը (Մաքսիմ Բոնդարենկոն)՝ դրա համար օգտագործելով իր իսկ կողմից հորինված «Դոբրինյա» էլեկտրական նվագարանը:

Ի դեպ, ներկայացման երաժշտական մասը նեղինակը՝ Max Detal-ը, հնչեցնում է կենդանի կատարմամբ:
    Դիտվել է 922 անգամ