Բեմադրություն, որը չի բացառում վնասվածքներ ստանալու հավանականությունը
07.07.2018
Բելառուսի Դուդուտկա թանգարանային համալիրում շուտով կայանալիք միջնադարյան մշակույթի և երաժշտության «Մեր Գրյունվալդը» 10-րդ միջազգային թատերականացված փառատոնում, այդ երկրի Ժամանակակից պատմության մեջ առաջին անգամ, կկայանան լրիվ հպումով նիզակամարտի մրցումներ՝ համաձայն 15-րդ դարի ասպետական միջոցառումների կանոնների: Այդ մասին տեղեկացնում է «taglur.am»-ը՝ հղում անելով «belta.by»-ին:
Մրցույթի մասնակիցները կհանդերձավորվեն միջնադարյան ասպետների զրահներով, կզինվեն ամբողջական փայտից պատրաստված երկար նիզակներով, որոնց վրա, սուր և ծակող գեղարդի փոխարեն ամրացված կլինի կլոր մակերեսով տափակ երկաթե ծայրակալ:
Փառատոնի կազմակերպիչները տեղեկացրել են, որ նախկինում այսպիսի միջոցառումներն ունեցել են թատերականացված բնույթ, որի ժամանակ ցուցադրվել են նիզակին տիրապետելու և ձի վարելու հմտությունները: Իսկ այժմ կկայանա լրիվ հպումով իսկական մենամարտեր:
«Սա բավականին վտանգավոր, էքստրեմալ դիսցիպլին է: Կարող են արձանագրվել շատ լուրջ վնասվածքներ ստանալու դեպքեր: Այդ պատճառով էլ սրանով կարող են զբաղվել միայն շատ լավ նախապատրաստված մարտիկները»,- ասել է փառատոնի կազմակերպիչներից Ալեքսանդր Ռակը:
Նա նաև նշել է, որ այսօր աշխարհում կան ընդամենը երկու տասնյակ հեծյալ ասպետներ: Դուդուտկայի փառատոնին կմասնակցեն նրանցից 6-ը կամ 8-ը: Բելոռուսիայում այսօր կան նիզակամարտի համար նախապատրաստվող 3 ասպետ, որոնցից միայն մեկն է այսօր պատրաստ հանդես գալու փառատոնում: Մնացածները պետք է ժամանեն Ռուսաստանից:
Աշխարհում այսպիսի մրցումներ անցկացվում են ԱՄՆ-ում, Ֆրանսիայում և Ավստրալիայում: Բելոռուսը այս ցանկում շուտով կդառնա 4-րդ երկիրը:
Ասենք, որ հեծյալների նիզակամարտը փառատոնի միջոցառումներից ամենագլխավորը չէ: Կենտրոնական իրադարձությունը կդառնա Գրյունվալդի մոտ տեղի ունեցած ճակատամարտի բեմադրությունը, որի ժամանակ կներկայացվեն տարբեր մարտական դասավորություններով և միջնադարյան զինատեսակներով զինված հետիոտն ու հեծելազորային զորաջոկատների ընդհարումների բեմադրություններ:
Միջնադարյան մշակույթի և երաժշտության Դուդուտկայի 10-րդ միջազգային փառատոնը տեղի կունենա հուլիսի 21-ին և 22-ին:
Լուսանկարն՝ ըստ հղման աղբյուրի:
 28.11.jpg)
.jpg)
