Քաղաքակրթական ներուժը կեցության բարձրագույն արժեք է:

Նավատորմի կործանման տեսարանը ստացվել էր շատ բարձր

08.28.2018


Եզրափակվելուց 2 օր առաջ Զալցբուրգի փառատոնում պրեմիերաների ցուցադրությունը ավարտվեց հունական անտիկ դարաշրջանի դրամատուրգ Էսքիլոսի «Պարսիկնե» ողբերգության ներկայացմամբ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Գերմանացի ռեժիսոր Ուլրիխ Ռաշեի հորդորով ներկայացումն սկսելուց առաջ հանդիսատեսներին առաջարկվում էին ականջակալներ, քանի որ պարսիկ արքա Քսերքսի նավատորմի կործանման տեսարանը ստացվել էր շատ բարձր և աղմկոտ: Ներկայացման մեջ հնչում է կենդանի երաժշտություն:

Որպեսզի կարողանան տեղավորել նվագախումբը, երգչախումբը և ծավալուն դեկորացիաները, ներկայացման կազմակերպիչները դահլիճից հեռացրել էին նստարանների առաջին շարքը:

Ավելացնենք, որ «Պարսիկների» բեմադրիչ Ռաշեն այս ներկայացման մեջ հանդես է եկել նաև որպես սցենոգրաֆ: Ինչպես դժվար չէ ենթադրել, նա իր ներկայացումը ձևավորել էր բավականին առանձնահատուկ ձևով:

Ասենք, որ Զալցբուրգի փառատոնը մեկնարկել է օգոստոսի 20-ին և կավարտվի օգոստոսի 30-ին: Այն թվով 98-րդ է: 2018թ.-ի միջոցառման գլխավոր թեման ամփոփված է հետևյալ մարտակոչում. «Ցանկություն, կիրք և էքստազ»:

Ծրագրի համաձայն հանդիսատեսները հնարավորություն կունենան, ընդհանուր առմամբ, դիտել 5 թատերական և օպերային բեմադրություն և, անշուշտ, համերգային նախագծեր
    Դիտվել է 807 անգամ