Քաղաքակրթական ներուժը կեցության բարձրագույն արժեք է:

Խուլիգանական արարքով փորձել են տապալել ներկայացումը

09.22.2018

Օրերս Մոսկվայի Չեխովի անվան գեղարվեստական թատրոնում ռեժիսոր Կոնստանտին Բոգոմոլովի բեմադրությամբ ցուցադրվող «Իդեալական ամուսինը» ներկայացուման երկրորդ գործողության ժամանակ երկու քաղաքացի հանդիսասրահից ներխուժել են բեմ և բղավելով.«Սա Չեխով չէ», փորձել են տապալել այն: Սակայն թատրոնի անվտանգության ծառայությունը շատ արագ կարողացել է սանձել խուլիգանական արարքի մասնակիցներին և հանձել է քաղաքային ոստիկանության համապատասխան ծառայությանը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Պարզվել է, որ արարքի հեղինակները և կատարողները «Serb» շարժման ակտիվիստներ են, որոնք իրենց ուրույն կարծիքը այս կամ այն ներկայացման մասին արտահայտում են նաև հասարակական կարգի ու կանոնների այսպիսի կոպիտ խախտումներով:

Միջադեպից 2-3 րոպե հետո ներկայացումը շարունակվել է և ավարտին արժանացել է հանդիսատեսների բուռն ծափահարություններին:

Թատրոնի հասարակության հետ կապերի ղեկավար Մարիա Մալկինան հայտարարել է, որ իրենք աշխատում են իրավական դաշտում, սակայն չեն կարող որևէ գործողության դիմել, որը կարգավորված չէ օրենքով: Ըստ նրա, իրենք առայժմ կարողանում են միայն դիմում ներկայացնել ոստիկանությանը, այն բանի համար, որպեսզի անցկացվի քննություն:

«Թատրոնը, ոչ մի կերպ, ավելի լավ չի կարող ինքն իրեն պաշտպանել: Նման իրավիճակներում թատրոնը հայտնվում է խոցելի վիճակում, որովհետև այսպիսի դեպքերը նախատեսող օրենսդրություն մեզանում դեռ չկա»,- ասել մշակութային հաստատության ներկայացուցիչը::
    Դիտվել է 857 անգամ