Աշխատել են յուրաքանչյուր շարժման երաժշտական բաղադրիչի վրա
12.03.2018
Գերմանիայի մայրաքաղաք Բեռլինի Պոդսդամի հրապարակում գտնվող թատրոնում կայացել է Պյոտր Չայկովսկու «Կարապի լիճը» բալետի ամենամասշտաբային բեմադրությունը: Հանդիսատեսի առջև ելույթ են ունեցել Շանհայի բալետի 100 պարողներ: Այդ մասին տեղեկացնում է է «taglur.am»-ը՝ հղում անելով նորությունների «euronews» հեռուստատեսային ալիքի ռուսական թողարկմանը:
Չայկովսկու բալետի դասական բեմադրությանը մասնակցում են 16 կարապ, իսկ բեռլինյան ներկայացման մեջ դրանք երեք անգամ ավելի են եղել:
«Մենք շատ ժամանակ ենք տրամադրել յուրաքանչյուր շարժման երաժշտական բաղադրիչի վրա: Բացի այդ մենք ճիգեր ենք գործադրել պարողների շարժումների համաչափ կոորդինացիային հասնելու համար»,- ասել է այս անսովոր ներկայացման բրիտանացի ռեժիսոր Դարեք Դինը: Նա նաև ընդգծել է, որ եթե բեմադրության մեջ մասնակցում են այսքան մեծ քանակությամբ արտիստներ, կարևոր է, որ փորձերի համար լինի բավարար ժամանակ:
Չնայած բոլոր դժվարություններին, արդյունքը գերազանցել է ռեժիսորի բոլոր սպասելիքները: Ներկայացումը ստացվել է շատ բանաստեղծական և գրավիչ:
«Կարապի լիճը» բալետը առաջին անգամ բեմադրվել է մոտ 150 տարի առաջ:
Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
 28.11.jpg)
.jpg)
