Միջազգային փառատոնը բացվեց դեբյուտանտների ներկայացմամբ
04.17.2019
Այսօր, ապրիլի 17-ին, Սանկտ-Պետերբուրգի Ալեքսանդրինյան թատրոնում «Ձմեռային ճանապարհ» ներկայացմամբ բացվել է «Dance Open» բալետի 18-րդ միջազգային փառատոնը: Այդ մասին տեղեկացնում է «tvkultura.ru»-ն:
«Ձմեռային ճանապարհ»-ը ներկայացնում է Ցյուրիխի բալետը, որն առաջին անգամ է հանդես գալիս Ռուսաստանի հյուսիսային մայրաքաղաքում:
«Dance Open» բալետի փառատոնը ներկայացնում է տարբեր ժանրերի և ոճերի պարային բեմադրություններ:
«Յուրաքանչյուր տարի մենք աշխատում ենք հրավիրել լավագույն պրեմիերաները, լավագույն ներկայացումները, որոնք թողարկվել են նախորդ թատերաշրջանի ընթացքում: Շատ հաճելի է, որ այս տարվա ծրագրում ընդգրկվել են հիանալի կոլեկտիվներ՝ իրենց լավագույն ներկայացումներով»,- նշել է փառատոնի ղեկավար Եկատերինա Գալանովան:
Փառատոնը կշարունակվի մինչև ապրիլի 29-ը:
Լուսանկարն՝ ըստ հղման աղբյուրի:
 28.11.jpg)
.jpg)
