Քաղաքակրթական ներուժը կեցության բարձրագույն արժեք է:

Հանդիսատեսը որոշեց 2018-2019թթ թատերաշրջանի լավագույններին

12.03.2019


Նախօրեին, դեկտեմբերի 2-ին Մոսկվայում, Վախթանգովի անվան թատրոնում կայացել է «Զվեզդա տեատրալա» հանդեսի հերթական, թվով 12-րդ մրցանակաբաշխության հանդիսավոր արարողությունը: Այս մրցույթի յուրահատկությունն այն է, որ հաղթողները որոշվում են հանդիսատեսների քվեարկությամբ: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Այս յուրահատուկ ժողովրդական թատերական հանրաքվեն մեկնարկել էր 2019թ.-ի հուլիսի 1-ին և ավարտվել նոյեմբերի 30-ին: Քվեարկությանը մասնակցել են 103 հազար 148 մարդ, որը անցած համանման միջոցառումների մասնակիցների թվաքանակի համեմատությամբ բացարձակ ռեկորդ է:

Ըստ այդ քվեարկության արդյունքների 2018-2019թթ. թատերաշրջանում համապատասխան անվանակարգերում հաղթողներ են հռչակվել հետևյալ դերասանական և ռեժիսորական աշխատանքները.

- «Լավագույն ռուսական թատրոնը արտասահմանում»՝ Էստոնիա «Vene Teater»
- «Լավագույն սոցիալական նախագիծը թատրոնում»՝ Մոսկվայի Նահանգային թատրոն ( ներկայացումների բարձրորակ ձայնային նկարագրության (թիֆլոմեկնաբանության) համար)
- «Լավագույն տնօրեն»՝ Անդրեյ Վորոբյովը («Պյոտր Ֆոմենկոյի արվեստանոց» թատրոն)
- «Լավագույն երաժշտական ներկայացում»՝ «Ջեյն էյր» (կոմպոզիտորէՔիմ Բրեյբուրգ)
- «Թատերական դերասանուհու լավագույն դերը կինոյում»՝ Սվետլանա Նեմոլյաևա
- «Թատերական դերասանի լավագույն դերը կինոյում»՝Օլեգ Մենշիկով
- «Լավագույն ներկայացում երեխաների և պատանիների համար»՝ «Սև հավը»
- «Լավագույն տարածաշրջանային թատրոն»՝ «Կամրջի մոտ» թատրոն (քաղաք՝ Պերմ)
- «Լավագույն թատերականացված նախագիծ»՝ Մոսկվայի Չեխովի անվան թատրոնի (МХТ) դերասանուհի Իրինա Պեգովա
- «Երկրորդ պլանի տղամարդու լավագույն դեր»՝ Կոնստանտին Ռայկին
- «Լավագույն ռեժիսոր»՝ Կիրիլ Սերեբրեննիկով
- «Արտասահմանցի ռեժիսորի լավագույն բեմադրությունը Ռուսաստանում»՝ Ջորջո Սենգատի (Մոսկվայի Վախթանգովի անվան թատրոնում բեմադրված «Նոր բնակարան» ներկայացման համար
- «Լավագույն կնոջ դեր»՝ Ելիզավետա Բոյարսկայա
- «Լավագույն տղամարդու դեր»՝ Վլադիմիր Մաշկով (Մոսկվայի Օլեգ Տաբակովի թատրոն, «Մատրոսկայա տիշինա» ներկայացման մեջ խաղացած դերի համար)
- «Լավագույն ներկայացում: Փոքր ձևաչափ»՝ «Պրակտիկա» թատրոն (Պոդոլսկցի մարդը՝ Սեյոժան շատ բութ է» ներկայացման համար)
- «Լավագույն ներկայացում: Խոշոր ձևաչափ»՝ «Մալայա Բրոննայայի վրա» թատրոն («Մակբեթ» ներկայացման համար)

Բացի այդ, շնորհվեց «Բեմի լեգենդ» անվանակարգով սահմանված երեք մրցանակ: Այդ պարգևին արժանացան դերասանուհի Թամարա Սինյավսկայան, դերասան Վասիլի Լանավոյը և ռեժիսոր Մարկ Ռոզովսկին:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 891 անգամ