Քաղաքակրթական ներուժը կեցության բարձրագույն արժեք է:

Անխորտակ տղամարդ-շոգենավը ենթարկվում է տիկնոջ կամքին

06.17.2020


Այսօր, հունիսի 17-ին, Մոսկվայի Չեխովի անվան թատրոնի YouTube- ալիքով կկայանա Լև Էրենբուրգի «Վասսա Ժելեզնովա» պիեսի տեսագրված տարբերակի պրեմիերան, որտեղ գլխավոր դերում հանդես է գալիս լայն հանրությանը հայտնի, որպես կատակերգակ և բաց տեմպերամենտի դերասանուհի, Մարինա Գոլուբը՝ գլխավոր դերակատարմամբ: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ժելեզնովների ընտանիքը, ինչպես և ժամանակակից Ռուսաստանը, այլասերվում է Ընդ որում, բոլորը՝ երեխաները, սպասավորները, այս ընտանիքի հաշվին ապրողները կարողանում են իրենց պահել մակերևույթին շնորհիվ դիմացկուն և ուժեղ Վասսա Բորիսովնայի: Նա հսկայական նավագնացության տիրուհի է, ամուր կանգնած է սեփական ոտքերին և գիտի մի բան. «Գործը պետք է կատարել»:

Հանուն ընտանեկան բիզնեսի և, ամենակարևորը, հանուն երեխաների նա պատրաստ է ամեն ինչի:

Պե՞տք է կաշառել՝ կկաշառի ում որ պետք է, պե՞տք է հեռացնի ամուսնուն՝ կանի ամեն ինչ, որ նա «վերանա»՝ թույն կտա և կուղարկի մյուս աշխարհ:

Ահա թե ինչու կապիտան Ժելեզնովը, այդ հսկա և անխորտակ տղամարդ-շոգենավը, ենթարկվում է տիկնոջ կամքին: Կին, որը գիտի, թե ինչպես պահի և բազմապատկի փողերը, սակայն չգիտի, թե ինչպես պահպանի ու ավելի մեծացնի սերը սեփական ընտանիքի հանդեպ:

Ժելեզնովների տունը ուղղակի լցված է կատաղած, անօգնական մարդկանցով : Ճիշտ ինչպես հսկայական ծխնելույզներով ծխի թանձր քուլաներ արձակող շոգենավը, որի հետ, հնարավոր է, որ բոլորը սուզվեն մինչև հատակ...


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 890 անգամ