Մոսկովյան թատերական փառատոնը կփորձի խաղաղ գոյակցել համաճարակի հետ
12.10.2020
«ճիշտ կլիներ, որպեսզի սովորեինք ոչ թե կենդանի թատրոնի առցանց, այլ իրական կյանքով ապրելուն, նույնիսկ համաճարակի պայմաններում՝ որքան էլ այն ձգվի»,- Օրերս այսպիսի հայտարարությամբ է հանդես եկել Չեխովի անվան միջազգային հայտնի թատերական փառատոնի գլխավոր տնօրեն Վալերի Շադրինը:
«Թագլուրի» փոխանցմամբ փառատոնի տնօրինությունը, Ռուսաստանի մշակույթի նախարարությունը և Մոսկվայի քաղաքապետարանի մշակույթի դեպարտամենտը մտադիր են 2021թ.-ին չեխովյան հոբելյանական 15-րդ միջազգային թատերական ֆորումի համար մայիսի 14-ից հուլիսի 17-ը սահմանել անցկացման ժամանակաշրջան:
Այս անվանի մշակութային ստուգատեսին ենթադրվում է, որ կմասնակցեն ավանդական օտարերկրյա թատերախմբեր Ֆրանսիայից, Գերմանիայից, Իտալիայից, Հնդկաստանից, Չինաստանից և այլ երկրներից:Այդ մասին տեղեկացնում է «teatral-online.ru»-ն:
Նախօրեին փառատոնի կազմակերպիչներն արդեն հրապարակել են նաև միջոցառման ծրագիրը, որի համաձայն այն կբացվի իսպանա-ֆրանսիական «Ֆուռա դել Բաուշ» ընկերոեւթյան «Աշխարհի արարումը» ներկայացմամբ:
Չեխովյան փառատոնի ծրագիրը ավանդության համաձայն կազմված է համաշխարհային և մոսկովյան բաժիններից, ինչպես նաև լրացուցիչ միջոցառումներից: Համաշխարհային բաժնում ընդգրկված են 10 երկրներից ժամանած թատերախմբերի 12 ներկայացումներ, որոնք ամփոփում են համաշխարհային բեմարվեստի ամենատարբեր ժանրերի՝ խորեոգրաֆիայի, երաժշտական թատրոնի, սցենոգրաֆիայի ոլորտներում թատերական ռեժիսուրայի զարգացման միտումները:
Ասենք, որ ներկայացումները կցուցադրվեն Մոսկվայի առաջատար թատերական հարթակներում՝ Մոսսովետի, Պուշկինի անվան, «Գելիկոն օպերա» թատրոններում և «Զարյադյե» համերգային դահլիճում:
Լուսանկարն՝ ըստ հղման աղբյուրի:
 28.11.jpg)
.jpg)
