Քաղաքակրթական ներուժը կեցության բարձրագույն արժեք է:

Շնորհավոր Ամանոր և սուրբ ծնունդ

12.30.2020

Ամանորը կառուցված է հին և նոր տարիներից: Այսինքն հեռացող և եկող, նոր տարիներից: Լինում է այնպես, որ հին ու նոր տարիների մեջ հանդիպում են մեծ տարբերություններ: Ասենք, դրանցից մեկի մեջ կանաչն է գերակշռում, մյուսի մեջ դեղինը:

Իսկ եթե այդ հարցը դիտարկենք պատմական կտրվածքով, ապա, դժվար չէ համոզվել, որ, օրինակ, Հայաստանում քրիստոնեությունը պետական կրոն հռչակելու 301թ-ն առավել ամուր վավերանությամբ է օժտված, քան նրան հաջորդած 302թ.ն, կամ 451թ-ն Ավարայրի հերոսականությամբ ուղղակի անհամեմատելի է իրեն հաջորդած 452թ.-ի հետ, նույն տրամաբանությամբ էլ 1918թ.-ի Սարդարապատի ոգեղենությունը զուգահեռներ չունի ոչ միայն դրան հաջորդած 1919-ի, այլև, ընդհանրապես, մյուս բոլոր նախորդ ու հաջորդ թվերի հետ և այլն:

Լինում է նաև այնպես, որ հին ու նոր տարիները միմյանցից գրեթե չեն տարբերվում:

Բայց հաստատ է մի բան. ինչպիսի բովանդակությամբ էլ լցվեն միմյանց հաջորդող տարիները, հնից նորին անցումը պարտադիր է և անբեկանելի: Դա է բնության և Աստծո օրենքը ...

Այդ տրամաբանությամբ ակնհայտ է ժամանակակից հայի վերաբերմունքը 2020թ-ի և, ակնկալիքները՝ 2021թ-ի նկատմամբ:

2020թ-ն հայի համար դարձավ սգի տարի:

Հայի տխուր աչքերը փնտրում են հեռանկար: Հորիզոնի մոտ, թե դրանից էլ անդին, անշուշտ, կա նրան սպասող մի լուսավոր հայրենիք, սակայն դրան հասցնող ճանապարհը, իսկ գուցե և նեղլիկ արահետը, փախս է ընկնում ու խճճվում հազարամյակների ու դարերի կեռմաններում և հանկարծ, կրկին, Կաթնաղբյուրից սկիզբ առնող ժրաջան առվակի պես ցայտում ու ցատկոտում նոր ժամանակների մեջ:

Հիմա արդեն 2021թվականի մեջ:

Շնորհավոր Ամանոր և Սուրբ ծնունդ:


Կհանդիպենք Ամանորի և Սուրբ ծննդյան տոներից հետո՝ հին նոր տարվա հաջորդ օրը՝ 2021թ.-ի հունվարի 14-ին:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 980 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417>>հաջորդ