Մարմնի կոպտությունը վերափոխվում է շնորհիվ երևակայության
02.23.2022
Մոսկվայի Մեյերհոլդի անվան կենտրոնում նախապատրաստվում են փառատոնային ձևաչափով ներկայացնել նոր ինքլյուզիվ աշխարհում մարդու բարդ նույնականությանն անդրադարձող 5 բեմադրություն։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։
«Պրոթատրոն։ Միջազգային հանդիպումներ» խորագրով փառատոնը իր ձևի մեջ յուրահատուկ թատերական նախագիծ է։
Միջոցառման մեկնարկը կտրվի ռեժիսոր Նատալիա Պոպովայի «Ժամանակը վազում է վեր» պլաստիկական բեմադրության պրեմիերայով, որին մասնակցում են տասնյոթ դերասան և երաժիշտ; Նրանք ուսումնասիրում են ժամանակը, տարբեր ձևերով իրենց մարմիններով վերապրելով միևնույն պահը։
Փառատոնը կընթանա երկու օր՝ փետրվարի 25-27-ին։
Պորտուգալական Մադեյրա կղզուց ժամանած թատերախմբի արտիստները համոզված են, որ իրականության անկատարությունը դրդում է մարդուն ստեղծել ինչ֊ինչ հորինվածքներ, օրինակ, կարելի է պատկերացնել մի վայր, որտեղ մարմնի կոպտությունը վերափոխվում է շնորհիվ երևակայության։ Հենց դա է առաջարկում «Տիկնիկ Գաբո» ներկայացումը, որտեղ դերասանները և հանդիսատեսները նորովի են վերապրում շարժման ֆիզիկական մեխանիզմները և ներքին հզոր ուժի որոնման պատրանքները։
Փառատոնի ծրագրում նախատեսված են նաև կարճ բեմադրություններ, որոնցում պլաստիկայի լեզուն ներկայացվում է որպես հաղորդակցության միակ ձև, որտեղ սերը մեկ այլ մարդու միջոցով ինքնարտահայտման հնարավորություն է, ուր երկվորյակների դուետը փորձում է վերհանել և բացահայտել իրենց միջև առկա աներևույթ կապի հանելուկը․․․
Փառատոնի ընթացքում կլինեն նաև այլ միջոցառումներ, լաբորատորիաներ, քննարկումներ, դասախոսություններ, քննարկումներ։
Ասենք, որ նախատեսված է նաև անվճար կրթական ծրագիր, որին մասնակցել ցանկացողները պետք է ցուցակագրվեն նախօրոք։
Լուսանկարն՝ ըստ հղման աղբյուրի:
 28.11.jpg)
.jpg)
