Իմմերսիվ թատրոն զբոսանավի վրա
12.01.2022

Մոսկվա գետի զբոսաշրջային երթուղիները սպասարկող «Ռէդիսոն Ռոյալ» նավատորմիղում որոշել են հաճախորդների ժամանցը հարստացնել իրենց 10 զբոսանավերից մեկի տախտակամածը վերածելով թատերական հրապարակի։ Այդ մասին տեղեկացնում է «taglur.am»֊ը հղում անելով «teatral-online.ru»֊ին։
Լողացող թատրոնում ներկայացվելու են հիմնականում իմմերսիվ բեմադրություններ։
Տախտակամած֊բեմում ցուցադրության համար խաղացանկում արդեն կա 4 բեմադրություն՝ ՆԷՊ֊ի և չոր օրենքի ժամանակներին անդրադարձող «Իշխանուհի Տյուֆյակինայի վզնոցը» մյուզիքլը, «Նախաճաշ դասականի հետ․ Ա․ Պ․ Չեխով» կատակերգությունը, որը նոր հայացք է հայտնի գրողի միանգամից 22 ստեղծագործությունների վրա, Վենետիկի և այդ քաղաքում անցկացվող դիմակահանդեսների մթնոլորտը հիշեցնող «Ստախոսը» ՝ ըստ Գոլդինիի և«Հանելուկային կինը», որը պատմում է Լոնդոնի հյուրանոցներից մեկի հանդարտ կյանքի ընթացքը խախտած իրադարձությունների մասին։
Ի դեպ, «Ռէդիսոն Ռոյալ» նավատորմի սառցային դասի զբոսանավերը շահագործվում են նաև ձմռանը։