Քաղաքակրթական ներուժը կեցության բարձրագույն արժեք է:

Ըստ արհեստական ինտելեկտի «Ֆրանսուհի Լաուրան» պատկանում է Լոպե դե Վեգային

02.08.2023

Արհեստական ինտելեկտի օգնությամբ մասնագետներին հաջողվել է որոշել նախկինում անհայտ պիեսի հեղինակին, որը պահվում էր Իսպանիայի ազգային գրադարանում: Պարզվել է, որ ստեղծագործության հեղինակը միջնադարի հայտնի դրամատուրգ, իսպանական ոսկե դարի ներկայացուցիչ Լոպե դե Վեգան է (1562-1635թթ.): Այդ մասին տեղեկացնում է «taglur.am»–ը՝ հղում անելով «interfax.ru»–ին:

Բրիտանական «The Guardian» պարբերականը տեղեկացնում է, որ նախօրոք թվայնացվել է 1300 պիես՝ գլխավորապես Իսպանիայի ազգային գրադարանի հավաքածոյից, որոնց հեղինակները դեռևս չէին պարզված կամ էլ պարզվել էին սխալ: Դրանից հետո «Stylo» ծրագրով համեմատվել են այն պիեսների հետ, որոնք ներբռնված են եղել «Etso» նախագծի տվյալների բազայում:

Վերլուծության ընթացքում բացահայտվել են տեքստային համըմննումներ «Ֆրանսուհի Լաուրան» («La francesa Laura») պիեսի, որի հեղինակն անհայտ էր, և Լոպե դե Վեգայի ստեղծագործությունների մեջ: Այնուհետև արհեստական ինտելեկտի աշխատանքի հիման վրա հետևությունները հաստատվել են նաև տեքստերի ավանդական վերլուծությամբ:

Հերման Վեգան, Վալյադոլիդայի համալսարանի Իսպանիայի գրականության ոսկե դարի փորձագետը, հայտարարել է, որ «La francesa Laura») պիեսի հեղինակն այդպես էլ կմնար աննկատ, եթե նոր տեխնալոգիանորի օգնությամբ չորոշվեր հեղինակը: Նա այն կարծիքին է, որ առջևում դեռ շատ բացահայտումներ կլինեն, քանի որ ոսկե դարը թողել է բազմաթիվ անհայտ հեղինակների գործեր:

Լոպե դե Վեգան հարյուրավոր պիեսների հեղինակ է, որոնցից են ժամանակակից հանդիսատեսին քաջածանոթ «Շունը դեզի վրա», «Սեբիլյայի աստղը», «Պարուսույցը» և այլ ստեղծագործություններ:





Լուսանկարն՝ ըստ հղման աղբյուրի



    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 415 անգամ