Բեմական ընթերցմամբ՝ երկու էմիգրացիա և հայրենիքի կրկնակի կորուստ
07.03.2023
Ռուս֊ուկրաինական պատերազմի բռնկումից հետո հայրենիքից Եվրոպա տարագրված ռուսաստացի հայտնի թատերագետ և դրամատուրգ Մարինա Դավիդովան այս օրերին Ռումինիայի Սիբիու քաղաքում ընթացող հերթական նույնանուն թատերական փառատոնին մասնակցել է իր նոր «Land of No return» պիեսով, որը հանդիսատեսին է ներկայացվել բեմական ընթերցմամբ։ Այդ մասին տեղեկացնում է «Թագլուրը» ՝ հղում անելով « oteatre.info»֊ին։
Այդ պիեսը, որը նաև ընդգրկվել է Եվրոպայում մեծ համարում ունեցող այս փառատոնի 2023թ․֊ի անթալոգիայում, Դավիդովան գրել է Գերմանիա տեղափոխվելուց մի քանի ամիս հետո՝ Մյունխենի «Ռեզիդենցթեաթր» թատրոնի պատվերով։ Այդ ստեղծագործությունը թարգմանվել է ոչ միայն գերմաներեն, այլև ֆրանսերեն և ռումիներեն։
Դավիդովան խոստովանել է, որ իր պիեսը երևակայության արդյունք է; Հորինովի են նաև բոլոր հերոսները, իրավիճակները»։ «Սակայն,֊նշել է նա,֊ ինչ֊որ մի ծիսական իմաստով ողջ գրվածքն, այնուամենայնիվ, ճշմարտություն է»,֊ և ընդգծեվ, որ հերոսներն իր աչքի առջև են, որ նրանք կենդանի մարդիկ են։
Երկու էմիգրացիա և հայրենիքի կրկնակի կորուստ; Սրանք այն երկու կետերն են, որոնց միջև տեղավորված են պիեսի իրադարձությունները։ Պիեսի գործողությունները սկզբում Բաքվից տեղափոխվում են Մոսկվա, հետո, Մոսկվայից՝ Գերմանիա; Այն սկսվում է 1980֊ականների վերջերից՝ ճակատագրական իրադարձությունների նախօրեին և ավարտվում է ռուս֊ուկրաինական 2022թ․֊ին սկսված պատերազմով։ Երկու ողբերգությունները զննում են մեկը մյուսին, ինչպես հայելիում՝ արտացոլում 1990-ականների ողբերգությունը՝ 2022֊ի ակունքները և այդ ամենը ներկայացնում նոր լույսի ներքո։ Ինչ֊որ առումով այս գործը մի մեծ էպոպեա է, որն ընդգրկում է 40 տարվա պատմություն և համեմաված է շատ անձնական վերապրումներով։
Այս թեմայով այլ հղումներ-1
 28.11.jpg)
.jpg)
