Քաղաքակրթական ներուժը կեցության բարձրագույն արժեք է:

Բրոդվեյի բոլոր ժամանակների ամենաշատը նոմինացված պիեսի ոդիսականը

06.05.2024


Բրոդվեյում դրամատուրգ և երաժշտության հեղինակ Դևիդ Աջմիի «Ստերեոֆոնիա» պիեսի հիման վրա ստեղծված և հիթ դառնալու ամենաքիչ հավանականությունն ունեցող նույնանուն բեմադրությունն, ընթացիկ թատերաշրջանում հաջողություններ արձանագրելուց հետո, կշարունակի ցուցադրվել նախատեսված եզրափակման օրվանից հետո ևս 20 շաբաթվա ընթացքում։ Այդ մասին տեղեկացնում է «Թագլուրը»՝ հղում անելով «deadline.com»֊ին։

Ասենք, որ այս թատերախաղը ի սկզբանե նախատեսված է եղել 14 շաբաթյա ցուցադրության համար, որը պետք է ավարտվեր օգոստոսի 18֊ին։ Հանդիսատեսների մեծ պահանջարկի և տոմսարկղային հաջողությունների ցուցանիշները «Golden Theatre»֊ի պրոդյուսերներին համոզիչ են թվացել, որպեսզի ներկայացման կյանքը իրենց բեմում շարունակեն մինչև 2025թ․֊ի հունվարի 5-ը
։
«Ստերեոֆոնիա» բեմադրությունը, որ ներկայացնում է«ձայնագրության ստուդիայի պատերի վրա» գրեթե վավերագրական մոտեցում և աչքի է ընկնում բնօրինակ երգերի համարձակ «ներբեռնումներով», պիեսն, ուղղակի, վերածել է մյուզիքլի։

Այս մոտեցումը, պարզվում է, որ մեծ հետաքրքրություն է առաջացրելլ ոչ միայն հանդիսատեսների շրջանում, այլև մասնագետների մեջ։ Ի վերջո, «Ստերեոֆոնիա»֊ն դարձել է ամերիկյան թատերական գլխավոր մրցանակաբաշխության՝ «Թոնի»֊ի հաղթողի թեկնածու 13 անվանակարգերում։

Ռեժիսոր Դենիել Օքինի բեմադրությամբ մրցանակաբաշխության անվանակարգային ցուցակում արձանագրված ակնառու հաջողությունն Աջմիի ստեղծագործությանը բերել է Բրոդվեյի բոլոր ժամանակների ամենաշատը նոմինացված պիեսի համբավ։






Լուսանկարն՝ ըստ հղման աղբյուրի։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 57 անգամ