Վեսթ֊Էնդում զվարճանում և խոսում են այն մասին, որ փողն աշխարհ է շրջում
08.12.2024
Լոնդոնի Վեսթ֊Էնդի «Gillian Lynne» թատրոնը հանրության խնդրանքով իր բեմը տրամադրել է մի էպիկական պիեսի, որը հիմնված է երեք հրեա եղբայրների՝ Հենրի, Էմանուել և Մայեր Լեհմանների կյանքի ու գործունեության իրական պատմության վրա։ Այդ մասին տեղեկացնում է «Թագլուրը»՝ հղում անելով « londontheatre.co.uk»֊ին։
Լեհման եղբայրները 1822-30 թվականներին բնակվել են Գերմանիայում, իսկ հիտլերյան հալածանքների շրջանում՝ 1840-ականներին գաղթել են Միացյալ Նահանգներ:
Հենրի Լեհմանը Ալաբամայում բացում է չոր ապրանքների խանութ։ Նրա ապրանքափոխանակման հմտությունները (հատկապես բամբակի առևտրի հետ կապված) ի վերջո հանգեցնում են բանկի հիմնադրման, որը այնքան է զարգանում, որ դառնում է Միացյալ Նահանգների չորրորդ խոշորագույն ընկերությունը: Լեմանների ընտանիքը բանկը ղեկավարում էր մինչև 1969 թվականը:
Ամերիկյան երազանքը որքան որ հրապուրիչ, նույնքան էլ անկայուն գազան է։ Փոխվում են բիզնեսի մեթոդները և ահա, 2007 թվականին «Lehman Brothers»-ը ցնցեց ֆինանսական աշխարհը։ Լեհմանները ներկայացրին ամերիկյան պատմության մեջ ամենամեծ սնանկության հայցը: Ֆինանսների աշխարհը նման ծայրահեղ բարձր և ցածր մակարդակների գծանշումներով՝ այդքան գրավիչ չի եղել ոչ այս իրադարձությունից առաջ և ոչ էլ հետո:
«Լեհմանի եռերգություն» բեմադրություն, որը մինչև Վեսթ֊Էնդյան բեմահարթակ բարձրանալը ներկայացվել է Ազգային թատրոնում, հանդիսատեսի առջև չի դնում բիզնեսի կամ ֆինանսական աշխարհի մասին նախնական գիտելիքներ ունենալու խնդիր։ Այն պատմություն է և այդ պատմության մեջ չոր բան չկա, և, նույնիսկ, շատ զվարճալի է:
Բեմադրության ցուցադրությունը կմեկնարկի սեպտեմբերի 24֊ից և կշարունակվի մինչև 2025թ․֊ի հունվարի 5֊ը։
Լուսանկարն՝ ըստ հղման աղբյուրի
 28.11.jpg)
.jpg)
