Կիսամոռացված ևս մեկ բեմադրություն Բեռլինի «Դոյչե օպերայում»
10.04.2024
Բեռլինի «Դոյչե օպերան» հանդիսատեսի ուշադրությանն է ներկայացրել 20֊րդ դարի առաջին կեսում ապրած և ստեղծագործած կոմպոզիտոր Օտտորինո Ռեսպիգիի «Բոց» «մոռացված» օպերան՝ ռեժիսոր Քրիստոֆ Լոյի և դիրիժոր Կառլո Ռիցցիի բեմադրությամբ։ Այդ մասին տեղեկացնում է «Թագլուրը»՝ հղում անելով « kommersant.ru»֊ին։
Այս օպերան լայն հասարակությանը քիչ հայտնի կոմպոզիտորի ստեղծած 10 օպերաներից վերջինն է, որը նա ավարտել է մահից քիչ առաջ։
Այն առաջին անգամ բեմադրվել է 1934թ․֊ին Հռոմի Արքայական օպերայում։
Ռեժիսոր Քրիստթֆ Լոյը «Դոյչե օպերայում» ասես մասնագիտացել է անցյալ դարի առաջին կեսերին գրված կիսամոռացված մեծ կտավի երաժշտական թատերախաղերը ներկայացնելու մեջ։ Նա այդպիսի ստեղծագործություններին անդրադառնում է ծրագրային պարբերականությամբ։ «Բոցը» այդ պարբերականության հերթական օրինակն է։
Օպերայի լիբրետոյի հեղինակ Կլաուդիո Գվաստալլին այն ստեղծել է Հանս Վիրս ֊Ենսենի « Կախարդ Աննա Փեդերսթոթթիր» պիեսի թեմաներով, որի գործողությունները տեղի են ունենում 16֊րդ դարում։
Գլխավոր հերոսուհին մեղադրվում է սև ուժերի հետ հաղորդակցվելու մեջ։ Նրան դատապարտում են մահապատժի՝ խարույկի վրա այրելու միջոցով․․․
Բեմադրության հեղինակները վերամշակել և իրենց բեմադրության գործողությունների նյութ են դարձրել տարբեր պիեսների վերամշակումներ։ Նրանք այն ոչ թե արդիականացրել են, այլ, հակառակը, ավելի են արխաիկացրել՝ հերոսներին տեղադրելով ավելի քան 1000 ավելի վաղ ժամանակաշրջանում՝ Բյուզանդիայում և սյուժեն կառուցել ամուսնու որդու նկատմամբ Սիլվանիայի՝ արգելված սիրո պատումի շուրջ։
Լուսանկարն՝ ըստ հղման աղբյուրի։