Վիկտոր Շենդերովիչի «․․․և իշխանության համար պայքարի թեման»
10.18.2024
Այսօր, հոկտեմբերի 18֊ին, Գերմանիայի մայրաքաղաք Բեռլինի « Musikbrauerei» սրահում կկայանա հայտնի դրամատուրգ, Ռուսաստանում օտարերկրյա գործակալ ճանաչված Վիկտոր Շենդերովիչի «Հայեցակարգ» պիեսի առաջին հանրային ընթերցումը, որին կմասնակցեն դերասաններ Չուլպան Խամատովան, և Մաքսիմ Սուխանովը, ինչպես նաև Ռուսաստանում օտարերկրյա գործակալներ ճանաչված քաղաքագետ Եկատերինա Շուլմանը և լրագրող Մաքսիմ Կուրնիկովը։ Այս ձևաչափով պիեսի ներկայացման ռեժիսորն է Մարատ Գացալովը։ Այդ մասին տեղեկացնում է «Թագլուրը»՝ հղում անելով «oteatre.info»֊ին։
Շենդերովիչն իր պիեսում քաղաքական սատիրայի և պատմական դրամայի միջոցով քննում է «կայսրությունների խորտակման, պատմությունը վերաշարադրելու և իշխանության համար պայքարի թեման։ Գործողության վայրը հին Հռոմն է, թեև դեպքերը և կերպարները սուր և հրատապ հղում են կատարում մեր օրերին։
«10 տարի առաջ ես գրեցի «Հայեցակարգ» պիեսը, ասպես ասած, հռոմեական կյանքի մասին,֊ նշել է Շենդերովիչը։֊ Ծերուկ սենատոր Ցեզիին խաղալու համար շատ էլ դեմ չէր, Օլեգ Տաբակովը (դերը նրա համար էր գրվել): Նա քայլում էր պիեսի շուրջը, ինչպես կատուն տաք կաթով լցված ամանի, և արդարանում Մատրոսկինի կատվի ձայնով․ «Վիտյոկ, ախր ես պետական մարդ եմ․․․»։ Հետո տեղի ունեցավ 2014 թիվը, և իմ պիեսների բեմադրության թեման սկզբունքորեն հեռացվեց․․․»։
«Թագլուրը» տեղեկացրել է, որ, մինչ Բեռլին գալը, դերասաններ Չուլպան Խամատովան, և Մաքսիմ Սուխանովը Լատվիայի մայրաքաղաք Ռիգայում խաղացել են ռեժիսոր Դմիտրի Կռիմովի բեմադրած «Խելագարների երկտողեր» ներկայացման մեջ։
 28.11.jpg)
.jpg)
