Սառը պատերազմն ավարտելու առաջին քայլը12.14.2020
Ամերիկացի դերասան Մայքլ Դուգլասը և ավստրիացի սցենարիստ, ռեժիսոր և դերասան Քրիստոֆ Վալցը կմարմնավորեն ԱՄՆ 40-րդ նախագահ Ռոնալդ Ռեյգանին և ԽՍՀՄ նախագահ Միխայիլ Գորբաչյովին Paramount Pictures ստուդիայում նկարահանվող հեռուստատեսային սերիալում: Այդ մասին «hollywoodreporter»-ի տեղեկատվությունը փոխանցում է «Թագլուր»-ը:
Հեռուստասերիալի հիմքում ընկած է «Ռեյգանը Ռեյկյավիկում. 48 ժամ, որը վերջ տվեց սառը պատերազմին» գիրքը, որի հեղինակը ԱՄՆ-ի զինվածության և զինաթափման հսկողության գործակալության նախկին տնօրեն Քեննեթ Էդելմանն է: Նշենք, որ այս գործակալությունը գործունեություն է ծավալել 1961-1999թթ.-երին, իսկ Էդելմանն այն գլխավորել է 1983-1987թթ.-երի ընթացքում՝ Ռեյգանի նախագահության տարիներին:
Հիշեցնենք, որ 1986թ. հոկտեմբերի 11-12-ին Իսլանդիայի մայրաքաղաք Ռեյկյավիկում կայացավ Գորբաչյով- Ռեյգան հանդիպումը, որի ընթացքում քննարկվեցին ատոմային զենքի զինաթափման հիմնախնդիրների հետ կապված հարցեր: Թեև այդ ժամանակ այդ մահաբեր զինատեսակի վրա հսկողություն սահմանելու վերաբերյալ ընդհանուր մոտեցումներ չարձանագրվեցին, սակայն կողմերը որոշակի առաջխաղացում ունեցան միջին հեռավորության հռթիռների վերացման և ռազմավարական հարձակողական զինատեսակները կրճատելու երկխոսության մեջ:
Քաղաքագետների գնահատմամբ այդ հանդիպումը համարվում է սառը պատերազմն ավարտելու ուղղությամբ առաջին քայլը:
Լուսանկարն՝ ըստ հղման աղբյուրի:
Ամերիկացի դերասան Մայքլ Դուգլասը և ավստրիացի սցենարիստ, ռեժիսոր և դերասան Քրիստոֆ Վալցը կմարմնավորեն ԱՄՆ 40-րդ նախագահ Ռոնալդ Ռեյգանին և ԽՍՀՄ նախագահ Միխայիլ Գորբաչյովին Paramount Pictures ստուդիայում նկարահանվող հեռուստատեսային սերիալում: Այդ մասին «hollywoodreporter»-ի տեղեկատվությունը փոխանցում է «Թագլուր»-ը:
Հեռուստասերիալի հիմքում ընկած է «Ռեյգանը Ռեյկյավիկում. 48 ժամ, որը վերջ տվեց սառը պատերազմին» գիրքը, որի հեղինակը ԱՄՆ-ի զինվածության և զինաթափման հսկողության գործակալության նախկին տնօրեն Քեննեթ Էդելմանն է: Նշենք, որ այս գործակալությունը գործունեություն է ծավալել 1961-1999թթ.-երին, իսկ Էդելմանն այն գլխավորել է 1983-1987թթ.-երի ընթացքում՝ Ռեյգանի նախագահության տարիներին:
Հիշեցնենք, որ 1986թ. հոկտեմբերի 11-12-ին Իսլանդիայի մայրաքաղաք Ռեյկյավիկում կայացավ Գորբաչյով- Ռեյգան հանդիպումը, որի ընթացքում քննարկվեցին ատոմային զենքի զինաթափման հիմնախնդիրների հետ կապված հարցեր: Թեև այդ ժամանակ այդ մահաբեր զինատեսակի վրա հսկողություն սահմանելու վերաբերյալ ընդհանուր մոտեցումներ չարձանագրվեցին, սակայն կողմերը որոշակի առաջխաղացում ունեցան միջին հեռավորության հռթիռների վերացման և ռազմավարական հարձակողական զինատեսակները կրճատելու երկխոսության մեջ:
Քաղաքագետների գնահատմամբ այդ հանդիպումը համարվում է սառը պատերազմն ավարտելու ուղղությամբ առաջին քայլը:
Լուսանկարն՝ ըստ հղման աղբյուրի: