Ըստ Ռայխելգաուզի, կինեմատոգրաֆիայի մեծերը չեն դարձել «ինչ֊որ մեկը» թատրոնում
02.22.2022
«Կուստուրիցան հիանալի կինոռեժիսոր է, սակայն թատրոնի գեղարվեստական ղեկավարը մի մարդ է, որի ժամանակի 70 տոկոսը բաժին է հասնում կազմակերպական֊վարչական աշխատանքին և միայն 30 տոկոսը ստեղծագործականին»,֊ այսպես է արձագանքել Ռուսաստանի բանակի կենտրոնական ակադեմիական թատրոնի գեղարվեստական ղեկավարի պաշտոնում սերբ աշխարհահռչակ կինոռեժիսոր Էմիր Կուստուրիցայի նշանակմանը Մոսկվայի «Ժամանակակից պիեսի թատրոնի» գեղարվեստական ղեկավար Իոսիֆ Ռայխելգաուզը։ Այդ մասին տեղեկացնում է «taglur.am»֊ը՝ հղում անելով «/iz.ru»֊ին։
Ռայխելգաուզը նաև նշել է, որ ՌԴ պաշտպանության նախարարությունը մի գերատեսչություն է, որը տնօրինում է միջոցների, որոնց շնորհիվ հնարավոր է թողարկել շատ վառ բեմադրություններ։
Դրա հետ մեկտեղ նա նշել է, որ փորձը բազմիցս է ցույց տվել, որ թատերական մեծ ռեժիսորները (Ինգմար Բերգման, Անջեյ Վայդա) փայլուն ֆիլմեր են նկարահանել։ Եվ հակառակը՝ համաշխարհային թատրոնի պատմության մեջ չի եղել դեպք, երբ ամենամեծերը (Միխալկով, Չուխրայ, Խուցիև) փորձեին դառնալ «ինչ֊որ մեկը» թատրոնում։ Բոլորը ձախողվել են։
«Թատերական մասնագիտությունը շատ ավելի բարդ է»,֊ ընդգծել է Ռայխելգաուզը։
Այս թեմայով այլ հղումներ-1
.jpg)
