Կ․ Շահնազարով․ «Պետք է վերակողմնորոշվել»
07.07.2022
Ռուսաստանի կինոարդյունաբերության զարգացման համար պահանջվում է եռակի անգամ ավելացնել ֆիլմերի թողարկումը՝ նվազագույնը տարեկան մինչև 300 կինոժապավեն։ «Մոսֆիլմ» կինոկոնցեռնի գլխավոր տնօրեն Կարեն Շահնազարովի հայտարարությունը փոխանցում է «Թագլուրը»՝ հղում անելով «ՏԱՍՍ»֊ին։
Շահնազարովը նշել է, որ ռուսաստանյան կինեմատոգրաֆիան դուրս է եկել խորհրդային համակարգից, սակայն չի մտել իսկական շուկայական հարաբերությունների մեջ և տատանվում է այդ երկուսի միջև։
«Մինչև փետրվարի 24֊ը (նկատի ունի ռուսական զորքերի ներխուժումը Ուկրաինա֊խմբ․) այդ ամենը ինչ֊որ կերպ աշխատում էր, սակայն հիմա այդպես չի կարող ստացվել»,֊ նշել է Շահնազարովը։
Ըստ նրա անհրաժեշտ է ուժգնացնել կինոարտադրությունը։ «Մենք ստեղծում ենք տարեկան 100 կինոնկար, իսկ անհրաժեշտ է նվազագույնը 300»,֊ ընդգծել է նա և կարծիք հայտնել, որ անհտաժեշտ է համակարգը փոխել, իսկ դա պետք է կատարի պետությունը։
Շահնազարովը նաև նշել է, որ ռուսական կինովարձույթը տակավին մինչև վերջերս շատ ամուր կախված էր հոլլիվուդյան կինոստուդիաներից, սակայն ընթացիկ իրավիճակում կինովարձույթի ընկերությունները պետք է գտնեն նոր ճանապարհներ, որպեսզի կարողանան շարունակել աշխատանքը։ Նա նշել է, որ պետք է աշխատանքներն այժմ բացազատվեն Չինաստանի, Ասիայի, Լատինական Ամերիկայի և, նույնիսկ, որոշակի եվրոպական երկրների ուղղությամբ։ «Պետք է վերակողմնորոշվել»,֊ հայտարարել է Շահնազարովը։
.jpg)
